時尚又前衞的烏鎮

上星期到烏鎮上課。如果唔係跟着學校的安排，可能我會錯過這個地方。

中國發展快速，令很多古村、古鎮消亡，但亦保留了一些古鎮，例如︰周莊、同里、西塘等作為旅遊業。

我現在讀的課程是文化創意產業，揀烏鎮作為教材，是因為烏鎮雖然係一個古鎮，卻在傳統中帶着時尚和前衞。

簡短介紹下烏鎮：它位於浙江、江蘇兩省交界，隸屬浙江省桐鄉市；跟上海直綫距離110公里，距離蘇州、杭州62公里。它是太湖流域的沖積平原，湖沼水系眾多，順理成章便作為南北大動脈的京杭大運河，亦因此烏鎮有「水鄉」之稱。

佢哋好多房舍都架設於河上，下面用原木樁或石柱打入河床中，這些房舍亦稱為「水閣」。水閣三面臨水，下方仲可以停放小船，街同街之間有好多搭橋，最多嘅時候烏鎮的橋樑多達120座，感覺真係好似意大利的威尼斯。既然我沒有去過意大利的威尼斯，便來「中國威尼斯」感受一下。

古色古香的烏鎮如何脫穎而出變成時尚和前衞的呢？自2014年起，內地每年都會舉辦世界互聯網大會，而烏鎮這地方被揀選為大會的永久會址。每年冬季，中國及全球的互聯網精英都會齊聚烏鎮，千年古鎮在呢個時候，便成為信息時代的先驅。

在文化方面，烏鎮的文化基因亦相當濃厚。區內有畫家木心的紀念館及美術館；又有十幾個大小不一的室內劇場，其中烏鎮大劇院亦成為最具特色的新地標，由著名建築師姚仁喜操刀設計，佔地54,000平方米，投資接近五億元。

每年十月左右，大劇院都會舉辦烏鎮戲劇節，演出規模龐大，吸引來自中、美、日、澳等20個國家和地區的劇目在此集中上演。今次我便有幸去感受這個既是古鎮、又超越古鎮的烏鎮了。

（本欄逢周四刊登）