戲癮發作唔收錢 謝賢做義工拍《法證先鋒IV》

謝賢（四哥）、黃心穎、黃浩然等昨日為梅小青監製的無綫新劇《法證先鋒IV》試造型，四哥獲心穎BB及鄭希怡蹺手出場，盡顯地位。四哥自爆為過戲癮，今次甘願不收分文回歸無綫拍劇。

四哥昨日自爆是主動向梅小青「搲撈」拍新劇：「我話『今次拍第四集都唔搵四哥？』所以今次我係唔收錢做義工。不過我嚟到現場，見到個個係精英都有啲驚，即刻唔想做。」

四哥表示拍劇沒有要求特別待遇，但身旁的梅小青笑言已安排人手服侍對方。四哥今次只參演劇集其中一個單元，飾演社團大佬的他，一出場便要「兜巴星」掌摑女演員。

黃心穎恨簡約婚禮

同場的黃心穎日前帶男友馬國明到澳洲出席三家姐婚禮，問心穎家人可有向她催婚？心穎說：「屋企人無催婚，所以無壓力。不過見到爸爸健康無以前咁好，有一刻都想快少少（結婚），因為想爸爸出席我嘅婚禮。」她坦言與馬明未傾過結婚計劃：「將來結婚我都唔想擺酒，希望一切以簡單為主。」

另外，黃浩然太太莫家嘉最近被指與一名男子有曖昧關係，浩然笑言只是笑料一則，但傳聞對自己和家人影響很大。他說：「依家資訊咁發達，囝囝返學都可能有同學問，太太都唔開心。我嘅責任係保護屋企，唔提就係最好嘅處理方法。」

撰文︰Pauline

編輯：李潔盈

美術：梁政敏