等咗30年終開騷 黃翊獲克勤助陣掀高潮

黃翊前晚在九展舉行《最愛的你演唱會》，他等了30年才首次開個唱，獲圈中好友包括黃寶欣、邵仲衡，以及其12歲囝囝Wesley等支持，而特別嘉賓李克勤現身，更掀起全場高潮。

前晚演唱會甫開場，黃翊與女舞蹈員載歌載舞，之後他一臉感觸表示︰「等咗呢一刻超過30年，由86年參加新秀都依家，今晚企喺呢個台都算係奇迹。」

之後他邀請舊情人黃寶欣擔任嘉賓，合唱《酒杯敲鋼琴》，她更大爆黃翊太太陳存正兩星期前曾入住深切治療部兼昏迷九日，故未能到場支持。

到了個唱尾段，黃翊請來曾合作劇集《淘氣雙子星》的李克勤出場。克勤笑言︰「竟然用『淘氣』形容我，依家應該用『長氣』啦。」他更自嘲︰「我從事唱歌30年，依家變咗內地歌手，但最緊要報稅。」之後黃翊唱出《最愛的你》為個唱畫上句號。

對於太太的病情，黃翊說︰「佢10月9日喺屋企昏迷，嘔到成床血，原來佢昏迷時抽筋咬損條脷，好彩開騷時佢醒番，我可以放心演出。」

撰文︰倪小珊

編輯︰黃寶恩

設計︰梁政敏