靚仔？萌爆？似Oppa？好可愛？以上一大堆讚美詞都可以放在姜濤身上，自從奪得《全民造星》冠軍後，被譽為姐姐至愛的姜濤一躍成為娛樂圈搶手貨，唔止有傳環球、HMV同太陽娛樂爭相簽佢做歌手，更變成廣告界寵兒，而姜濤的處男作護膚品廣告今日終於登場，他當然沒有令一眾姐姐失望，唔止咬住朵花賣萌，仲專登著裇衫扣少幾粒鈕，大晒肌肉，真係睇到大家哇哇聲。
而姜濤更大派福利，開心分享擇偶條件，原來走可愛路線的他，同樣鍾意可愛型女友：「我想任何一個男仔都鍾意sweet和可愛類型的女生，我都鍾意！但如果是女朋友，希望她sweet、可愛的一面只會給我看到，不要對個個都sweet，我想每個男仔都想擁有自己女朋友最可愛最sweet的一面。」他又透露自己情迷楊丞琳與有村架純，不過講到頭號甜美女神，姜B就話係姜媽呀：「媽媽有時會兇兇的，但也有甜美sweet的一面，是我心目中的女神！」咁識賣口乖，抵一班姐姐咁錫你嘅。