聖若瑟盃國際象棋賽 中學生擊敗業餘棋王

以前細個時，黛安曾經跟爸爸學捉國際象棋；而上周末聖若瑟書院新擴展校舍舉行咗「聖若瑟盃國際象棋邀請賽」，有8位世界冠軍級棋手同一班學生齊齊比拼，黛安又點可以錯過呢！

參賽嘅棋手，包括中國棋手鄺穎慧、俄羅斯棋手Ms. Elizaveta Chetina、印度棋手Arvinder Preet Singh、蒙古棋手Ms. Bayarjargal Bayarmaa、哈薩克棋手Mr. Zhuban Bigabylov、阿塞拜疆棋手Mr. Kana Hajiyev、菲律賓棋手Mr. Arlan Cabe同香港棋手林景蔚（Daniel）。

Daniel係聖若瑟1993年畢業生，亦係香港首位國際象棋世界業餘冠軍，就連佢都話依家嘅小朋友好強，其中一局仲輸咗畀一位中學生，「我從來未輸過，今次係第一次輸」。佢話希望透過今次比賽令學生學會逆境思考。

聖若瑟書院校長程景坡都話，學生除咗注重成績外，亦都要有唔同嘅體藝興趣，國際象棋就可以激發學生思考，動動腦筋，對各方面學習都有益處。