要數今星期必去地區，絕對會是葵芳，事關區內矚目光影節開鑼，秋風到亦正好大玩新都會歷奇打卡公園，而掃街勝地葵廣亦從不令人失望，今次為你推介高質fusion章魚燒、親民驚喜西餐及IG人氣布丁燒，一於在葵芳吃到盡玩到盡。
1.$33黑松露章魚燒【真‧章魚無雙】
章魚燒一早賣到成行成市，大家對其印象都很「安逸」，不外乎都是老味道一種；葵廣這間店名充滿遊戲色彩的章魚燒小店就一反傳統，為章魚燒注入玩味。
本身做文職的老闆Tony，開店的原因同樣是源於安逸︰「幾間（公司）咁樣轉下走下都有十年，太安逸喇，嗰種感覺太舒服。」箇中滋味相信一眾打工仔都再明白不過。Tony就選擇跳出框框，不再「卡關」；裸辭後用了1、2個月做飲食業，學好背後運作就毅然踏上開店之路。自小愛吃章魚燒的他有感章魚燒味道太單一太悶，於是用了半年時間「左試右試」，兩年前一開店就比其他人出位，推出多款特色口味章魚燒，包括港人至愛的芝士、黑松露等，Tony一有新想法就會落手試，基本至粉漿到醬汁都自家製，不斷調改，熟客來多少次都不會悶場。
真‧章魚無雙
地址：葵芳葵富路7號葵涌廣場2樓C07B號舖
電話：9331 7990
營業時間：星期一至日，12nn-9:15pm（不定期休息）
2.$98蒙古忌廉邪惡軟殼蟹意粉【Star Kitchen】
老闆Ringo從愛爾蘭回流，擁有多年餐飲業經驗，曾在當地1間酒店級、坐擁3層的高級西餐廳工作14年。本身做開樓面的他半途出家做廚，4年前頂手了他家樓下的舖位，即現址開了Star Kitchen。
「喺愛爾蘭每日返8個鐘，實做5個鐘。但喺香港，每日係不停做15個鐘。」他說。在愛爾蘭的經驗也訓練得他有一身本領，「嗰時有3層，外國唔興寫低㗎嘛，就要記晒啲客食乜，一錯就畀人鬧。我響呢間舖記得晒啲客鍾意食咩，佢哋會好開心。」他亦從愛爾蘭帶回了香港沒有的「蒙古汁」，由多種香辛料調配而成，同時有鹹、甜、鮮、香、熏味，帶點微辣，十分特別，在當地也屬少見。餐廳走fusion路綫，如在意大利飯加入wasabi、意粉加入泡菜醬等，街坊舖也驚喜十足。
Star Kitchen
地址：葵芳禮芳街21號地舖
電話：9777 3132
營業時間：星期一至六，7am-10pm、星期日，11am-10pm
3.$38椰爺布丁燒【呦呦鹿鳴布丁燒】
葵廣這間布丁燒專門店，開店不久就成為IG、Facebook人氣。店主Kobe是個喜歡吃布甸的男生，他的廿四孝女友Charlotte便為了他自學兼去台灣拜師學做布丁燒，反覆試驗成功，二人決定選址葵廣，連同家人合力創業。
店內的布丁燒每日人手新鮮製作，由於烘焗需時，每日只限售200-300個。最特別的是這店每日供應最少5款口味，包括其招牌首創、以椰青水製作布甸的椰爺布丁燒，以及抹茶、呍呢嗱、朱古力和咖啡味的布丁燒，每逢周末假日，更有隱藏版茶味布丁燒，像伯爵茶、焙茶、茉莉花茶等。
呦呦鹿鳴布丁燒
地址：葵芳葵涌廣場3樓Top世界3069號T5-T6舖
電話：9176 7426
營業時間：星期一至日，1:30pm-10pm
撰文︰何美澄、王寶欣
攝影（部分）︰Benny
插畫︰何樂
編輯︰余運慶
美術︰招潤洪