近期除了熱播中的《跳躍生命線》，另一套台慶劇《是咁的，法官閣下》終於出爐！該劇標榜貼地，務求呈現最真實的法庭實況，絕對不會再亂嗌法官做大人，而是叫法官閣下，亦唔會再係又反對唔係又反對，不過就惹來不少觀眾擔心，過於反映法庭實況，會失去以往《壹號法庭》等經典的法庭劇張力，加上本身卡士以台慶劇來說比較薄弱，男、女主角已是黃智賢、關禮傑與王君馨，又起用大量《愛回家》系列人物，如大小姐、朱凌凌、金城安，甚至馬子仁等等，搞到有網民都大嗌頂唔順：「點解成晚都係見住佢哋！」不過最致命的都是劇情沉悶，首集一開頭竟以說教形式交代70年大學生讀Law的實況，令觀眾都忍唔住投訴十足睇緊《新聞透視》。
首集負評多多 觀眾彈劇情太悶
以往律師劇大多一開始就會打官司，營造緊張氣氛；不過今次《是咁的，法官閣下》就大玩「案件重演」，於頭十分鐘由《愛回家》一班演員由1970年代講起。話說當年大學的法律系不像今日般受歡迎，事關據資深大律師湯家驊解釋，當年學生畢業不等於有律師牌，故吸引力有限，劇情就是對比以前與現在讀法律的情況、分析律師前景，說教程度猶如《新聞透視》，建議有意讀法律的人不妨一看。但如果是想看劇情，這十分鐘只有《愛回家》班底不斷穿插，遲遲未入正題，悶到出汁，大可直接跳過。而接下來故事又突然跳到由黃智賢的律師樓開展，令不少觀眾看得一頭霧水，完全不知道想交代甚麼。講真與其花十分鐘交代背景、歷史，不如學《跳躍生命線》在最後五分鐘由演員獨白，不會影響劇集趣味性之餘，又可以提供更多資訊，更重要是不悶親觀眾。
金城安大小姐都有份 網民戲稱變《愛回家之法官閣下》
而不少網民更質疑TVB是否已去到無人可用之田地，竟然將《愛回家》班底搬到《是咁的，法官閣下》，最少已出現六個《愛回家》系列的人物，猶如《愛回家》2.0，有網民甚至戲稱新劇為《愛回家之法官閣下》，曲線大讚TVB植入式廣告做得好，笑言那些演員出鏡率過高，片酬應該比視帝視后更多；但亦有網民批評《愛回家》、《法官閣下》接連播放，難免令人覺得混亂，分不清那一群人在兩套劇的角色，結果分分鐘會拖累埋埋《愛回家》的收視。
另外，今次TVB標榜要將法庭戲拍得貼地真實，不過在編劇心目中，貼地可能只是由《壹號法庭》的律師落bar飲酒談心，變成新晉律師在茶餐廳大呻血淚史。最後出來效就得太hea，失去律師應有的專業感覺，不少觀眾更批評：「TVB有意把法治變做戇X嘢，呢幾年拍親啲法律片都行咁嘅路線！」；又覺得TVB仍未敢有新突破：「雖然我會睇，但睇唔出同以前有咩唔同。每套劇，律師一定係好人、一定守護法治，唔似《Legal High》，用另一種角度思考問題。」
▼金城安變成湯軍瑤大律師（周嘉洛飾演）
▼馬子仁變成范小宇大律師（羅天宇飾演）
▼大小姐變成賈慕芝大律師（林淑敏飾演）
▼朱凌凌變成犯罪青年阿澤（吳偉豪飾演）
▼朱凌凌爸爸變成裁判官（陳嘉輝飾演）
▼Anita變成律師樓學徒Ruby（梁茵飾演）