• 15°C
香港時間:20181212日 星期三 09:02
生活副刊

元朗 $98松露蜂蜜脆雞翼沙律

美食地圖

2018/11/05
分享:

元朗早已告別了「偏遠鄉郊」之名,不但鐵路直達,美食選擇更是多元化。筆者最近就發現區內的小餐館,有供應蘇格蘭走地牛;街角小店售賣熱爆吉列牛,還有台式小屋裏的精緻牛肉麵,元朗作為「美食」的代名詞,除了掃街小店,特色餐館亦絲毫不缺。

1.$129 果醬手工腸漢堡【Straits Kitchen】

元朗都有高級西餐廳!Straits Kitchen是英國老品牌,40年來贏盡各界口碑,全因堅持用來源有根有據的肉類,更擁有自家蘇格蘭高原牧場飼養動物,質素及味道有絕對保證,1年多前來到香港,品牌更堅持全天然無味精理念。無味精、香港?有可能嗎?「我相信大家都知味精對我哋好差,亦都係遺害我哋下一代,譬如好多小朋友嘅過度活躍症、專注力不足,其實都係味精食物影響,同埋我哋嘅食物已經好大部分有好多chemical,咁呢間舖頭個特點就係所有嘢食都係無味精、無chemical。」負責人Candy指。

識計數都知,不用味精自然要落重本,成本與外面相比,分分鐘差幾倍,有見餐廳樣樣都比外面貴,有人覺得不合理,有會計師熟客卻指「好抵」,Candy笑指:「個客真係喺度計如果日日食呢度,一個月貴幾百蚊,但買到嘅係健康,其實好抵。」這間良心企業除了無味精這瘋狂的堅持,更會低調幫助有心社企及低收入家庭,贊助社企活動,難怪Candy義務幫忙打理餐廳都如此投入。

Straits Kitchen

地址:元朗又新街37-51號地下7B3號舖

電話:3679 3880

營業時間:星期一至日,12nn-12am

2.$138石燒吉列牛小排配定食【The Backstreet Kitchen】

小店開業2年,由2位相識10多年的中學同學阿峰及Dickson共同經營。他們都是廚師出身,阿峰是西廚,Dickson做中餐,打工10多年後,最後卻決定一起開間日式小店。最初的契機是朋友推薦他們到大阪嘗嘗石燒吉列牛,他們一試後認為可以把此引入香港,於是便開了此店。現在此菜雖然別處也有,他們卻是香港的第一人。

叫「Backstreet Kitchen」,店舖真的是位處後街。2人其實住在屯門,阿峰說︰「屯門人成日入元朗食嘢㗎!同埋元朗人都鍾意捐窿捐罅搵嘢食,開喺呢個位都有人專登嚟。」他們亦坦言喜歡元朗夠多元化,有各式各樣的食肆及客人,比起以前在酒店的中餐、西餐廳工作,他們更喜歡在這間小店與客人交流。

The Backstreet Kitchen

地址:元朗合益路9-15號紀業樓地下H號舖

電話:6272 7271

營業時間:星期一至二及四至五,1:30am-2:30pm、6pm-10pm,星期六、日及公眾假期,11:30am-4pm、6pm-10pm,星期三休息

3.$68 二悅紅燒牛肉麵【二悅 】

台式牛肉麵店這一、兩年間愈開愈多,最近在元朗又有新店登場。小店由Tammy與姐夫Johnny所開,Johnny本身做開食物出品又鍾意烹飪,一次試做了牛肉麵與家人分享,個個讚好,成了開這店的契機。為店子取名「二悅」,「因為我、Johnny與家姐都係2月生日,同時又想大家容易感到快樂-『易悅』。」Tammy笑說。

招牌牛肉麵有拌麵及放湯兩吃,「靈感來自生牛肉pho同茶漬飯,食時才澆上熱湯,我地想客人有份參與,又想搞搞新意思,可以一次過試到2種食法。」

二悅

地址:元朗合益路9-15號紀業樓地下G號舖

電話:9143 3347

營業時間:星期二及三、五至日,12nn-3pm、6pm-9pm,星期四,12nn-3pm,星期一休息

撰文︰何美澄、王寶欣

攝影(部分)︰梁細權

插畫︰何樂

編輯︰余運慶

美術︰梁政敏

【Straits Kitchen】松露蜂蜜脆雞翼沙律(半份6隻) $98,吃下先有濃濃松露香湧出,再有蜜糖連帶雞油香,雞翼肉質嫩滑,松露迷必試。

【Straits Kitchen】果醬手工腸漢堡 $129,用西班牙腸,手工腸由黑毛豬風乾而成,更juicy,果醬亦是自家製,用當日新鮮生果即製,不加防腐劑,外脆內軟的包是另一驚喜位。

【Straits Kitchen】牛扒刺身 $99,牛隻於自家蘇格蘭高原牧場飼養,肉味出奇香濃,加上品牌自家製醬油吊出鮮味,牛刺身只加上海鹽、胡椒,已經完全夠味。

【Straits Kitchen】香港店由老闆兒子Andrew及朋友Candy打理,Andrew自細向父親偷師學廚,有心有力。

【Straits Kitchen】餐廳環境舒適兼有設計感。

【The Backstreet Kitchen】石燒吉列牛小排配定食 $138,選用美國牛小排,脂肪比例平均。吃時先用牛脂肪塗滿石燒爐板,再按喜好煎吉列牛,外脆內軟,很有口感。加$40配定食,有橫町飯、豆腐番茄湯及溫泉蛋。

【The Backstreet Kitchen】柚子椒麻魚柳配定食 $98,龍脷柳煎香,加花椒、黑椒、辣椒絲等調味,吃時有柚子的甜酸,又帶點麻辣。加$40配定食。

【The Backstreet Kitchen】老闆阿峰(左)及Dickson(右)相識10多年,2年前決定一同跳出comfort zone開自己的小店。

【二悅 】二悅紅燒牛肉麵 $68,招牌的二悅紅燒牛肉麵奉客時牛肉麵以拌麵形式奉上,牛骨湯以大量新鮮牛骨、洋蔥、薑、黨參等熬足2日,味道甘甜。

【二悅 】小店設計簡約清新,像cafe而不似牛肉麵店。

分享:

生活資訊
「你的血液健康嗎? 健康講座回顧 今天教你守護心血管方法」

「你的血液健康嗎? 健康講座回顧 今天教你守護心血管方法」

2018/12/10
「你的血液健康嗎? 健康講座回顧 今天教你守護心血管方法」
「去Xmas Party感疲憊?年過30要留意 」

「去Xmas Party感疲憊?年過30要留意 」

2018/12/11
「去Xmas Party感疲憊?年過30要留意 」
「新手爸媽注意 保護BB免受輪狀病毒入侵」

「新手爸媽注意 保護BB免受輪狀病毒入侵」

2018/12/11
「新手爸媽注意 保護BB免受輪狀病毒入侵」
「 28天塑造能說話的眼神」

「 28天塑造能說話的眼神」

2018/12/07
「 28天塑造能說話的眼神」
「轉季皮膚乾癢難耐 止癢潤膚產品點樣揀? 皮膚專科醫生指 衛生署註冊藥膏更有保證」

「轉季皮膚乾癢難耐 止癢潤膚產品點樣揀? 皮膚專科醫生指 衛生署註冊藥膏更有保證」

2018/12/04
「轉季皮膚乾癢難耐 止癢潤膚產品點樣揀? 皮膚專科醫生指 衛生署註冊藥膏更有保證」