沙田冬菇亭 食$168磯燒放題

冬菇亭都有新嘢！沙田博康邨「冬菇亭」最近新開一家主打日式磯燒的食肆，並推出每位$168的放題，除了基本燒肉，還有來自大澳、長洲的魚乾，好有懷舊風味。

店名中的「鱻」解作「新鮮」，燒物的肉食以新鮮作主打，而身為大澳原居民的老闆健哥，還將「家鄉」風味地道食材作為生招牌，包括有來自大澳、長洲的魷魚乾、鱔魚乾、蝦乾等海味，及較少見的雞泡魚乾、有手掌般大的魔鬼魚魚翅。甫將魚乾放上爐上，幾分鐘後已傳來誘人的惹味香氣，彷彿回到80、90年代般，烤得金黃色的魚乾煙韌有嚼頭，佐酒一流！

刁鑽部位封門柳

兩個半鐘的放題每位$168，除任食超過50款前菜、丸類、蔬菜外，還可在約7款的手工燒肉中任選兩款，當中包括有貴價刁鑽部位「封門柳」，這款位於牛橫膈膜下的部位，每頭牛只有一條，非常矜貴，肉質軟腍，嫩滑juicy，牛魔王不容錯過。還可選軟腍味濃的黑毛豬及原條超過20厘米長的新鮮豬腩肉，五花腩肥瘦平均，燒至肉汁油份溢出，並傳來陣陣肉香，惹味非常。

鱻潮手工燒

地址︰沙田逸泰街博康邨熟食中心8號舖

電話︰9613 3368

營業時間︰6pm-1am

收費︰周一至四每位$168，周五至日及公眾假期每位$188；醬料費每位$10；另加$20任飲啤酒及汽水；不設加一，只收現金

編輯︰魏雋

美術︰招潤洪