前妻樂基兒懷孕 黎明已「聽」不回

今年榮升父親的天王黎明（Leon），昨日到中環出席慈善活動，心情大靚的他落台後向市民大派朱古力金幣。混亂中被問到前妻樂基兒懷孕，Leon就充耳不聞，之後沒有接受訪問便離開。

黎明昨日以名譽副會長身份，到中環出席公益金50周年啟動禮。身穿白色T恤襯牛仔褲的他心情不俗，身形亦比之前健碩，一雙麒麟臂尤其矚目，相信是抱愛女日子有功的「成果」。Leon甫上台便主動脫下太陽眼鏡說︰「我要跟前輩學嘢，就係要除咗副太陽眼鏡先。」之後他再一臉認真表示︰「前輩畀支棒我哋，上山下海都要去籌款，過程中幫到好多市民，我曾經都係新人，會將我嘅經驗分享畀新人聽。」

Leon與嘉賓們影完大合照後，便落台向市民派發朱古力金幣，大批粉絲即一擁而上，紛紛拿起手機拍照。他即時爆出金句︰「測試人性嘅時候喇！」Leon被問到會否恭喜前妻樂基兒懷孕？他默不作聲繼續派金幣，之後登上大會巴士離開，沒有接受傳媒訪問。

陳柏宇無機會打招呼

同場的陳柏宇則透露數年前曾與黎明同場，被問到可有和Leon交換湊女心得？他笑說︰「我無行過去佢嗰邊，無機會同佢打招呼，因為佢氣場好勁，但好有型。」

撰文︰倪小珊

編輯︰李潔盈

美術︰李明