承認奉子成婚 明年4月做Daddy 陳展鵬：上天畀的禮物

結婚不足一個月的陳展鵬（煎Pang），前日凌晨在IG報喜，公告太太單文柔陀B，而前晚他現身活動受訪時更喜形於色，並透露八月於英國影婚照時已知道太太有喜，高呼這是天賜的禮物。粉絲齊齊向陳氏夫婦送上祝福；有人更盛讚煎Pang極速結婚兼當爸，絕對「有料到」！

煎Pang與年齡相差13載的單文柔在上月中完婚，他豪花百萬大搞「海陸婚禮」，除了在遊艇上簽紙註冊，更於中環四季酒店擺酒，勁有派頭。當時女方被指身形輕微發福，問到造人大計時，陳太只稱「順其自然、無得勉強」。

然而，相隔不足一個月，煎Pang前日凌晨在社交網發相宣布「Baby is coming」，陳太更留言「期待小豬比的來臨」，相信BB的乳名叫「小豬比」。心急搵奶粉錢的煎Pang亦校啱時間，當晚到沙田出席活動時與傳媒分享喜悅心情。他默認是奉子成婚︰「當時有點興奮、突然又喜悅，（生仔）諗咗好多年，自己已經41歲，並非第一次拍拖，相信係個天畀我，唔係咁易得！」

陳太今午陀住B吸金

他又戲言今次「一額汗」︰「好多朋友都問我究竟結婚先定有咗先，其實我唔係machine，擺咗嘢入去就跌啲嘢出嚟，其實係籌備婚禮影婚照時知道，中六合彩都無咁易。」煎Pang特別感謝太太陀住B搞婚禮好辛苦，懷孕不足三個月又未能向外公布，並要經常請假，令TVB高層略有微言。他並表示太太現已懷孕三個月，應該在明年四、五月「卸貨」誕豬B，而他對BB是男或女都無所謂，太太則希望生仔傳宗接代。

他們的多位圈中好友包括陳山聰、袁偉豪、單立文及姚子羚，皆在社交網留言恭喜。很多網友喜見年過40的煎Pang即將升呢做鵬爸；有人相信他踏入人生另一階段必會更勤力，拍更多好劇。

此外，單文柔將於今日與陳凱琳、韋家雄等現身中環出席活動，相信這位準媽媽必定成為全場焦點。

撰文︰Steven

協力︰Crystal

編輯︰黃寶恩

美術︰Simon、梁政敏