7-Eleven換購港式商舖積木 同小丸子做「鄰里」

7-Eleven新一輪「集郵」又開始啦！今次為大家帶嚟人見人愛嘅櫻桃小丸子，8款積木組合可以親自拼出屬於你嘅「左鄰友里生活街」，仲有別注版小丸子真人發聲書包店連鬧鐘收藏配套，搞到黛安都想即刻換呀！

聽公關姊妹講，話嚟緊下周三（21號）起，至明年1月1號，特別聯乘小丸子同著名玩具品牌BANBAO，推出「左鄰友里生活街」印花推廣。8款積木組合有主角7-Eleven小丸子店、爺爺栗子檔、花輪大押、小玉便利店、媽媽花墟、野口小巴站、豬太堂，全部都加入咗香港本土特色，勁懷舊又有創意，非常值得收藏。

每款都有BANBAO塑膠積木組合一套、迷你人型積木組一個同貼紙一張，做得好精緻，姊妹仲偷偷同黛安講，小丸子店同豬太堂有額外嘅貼紙組合，可以變身成隱藏款式，變做80年代7-Eleven店同Daily Café，兩位主角更成為80年代7-Eleven店店長同Daily Café咖啡師，鬼馬又驚喜。下星期三起，購物滿20元就可以有1個印花，其後每10元就多一個，餘此類推，儲齊22個印花就免費隨機換領1款，或儲齊5個印花加20元隨機換購1款。

另今次仲推出「小丸子書包店連鬧鐘收藏配套」，有埋由小丸子香港配音員特別錄製嘅真人發聲鬧鐘，朝早一定起到身！下星期三早上7點，去7-Eleven分店搶購啦，只要任何消費加238元就可以帶返屋企。