影帝梁朝偉近日現身上海，獲頒「亞洲卓別靈大獎藝術成就獎」，是亞洲第一人獲此殊榮，不過外界焦點就放咗喺偉仔一班老友身上。事關老婆劉嘉玲好有心，暗中安排一班好友如梁家輝、鍾鎮濤與杜德偉、上山詩鈉等偉等專程到上海祝賀偉仔。當他行完紅地毯，好友們馬上現身開香檳慶祝，其中邱淑貞更與偉仔嚟張世紀合照。網民大讚一啲都睇唔出邱淑貞原來已經50歲，她穿著黑色喱士裙，盤起秀髮，逆齡的臉孔上完全看不到歲月的痕跡。而56歲嘅偉仔亦不遑多讓，點睇都唔似五字頭，仲有唔少人話令佢哋勾起22年前兩人合作嘅經典作《偷偷愛你》，乜嘢回憶都返晒嚟。
記得22年前，梁朝偉和邱淑貞合演愛情片《偷偷愛你》，儘管沒有露骨性感鏡頭，但當中兩人甜蜜揪心的互動，跟最後「王子駕著馬車來接公主」的浪漫結尾，是不少影迷心中的經典。戲中東東（邱淑貞飾演）暗戀帥氣又有錢的阿Wing（梁朝偉飾演），不過阿Wing早已心有所屬，直至一次車禍令阿Wing失明，頓時跌入人生低谷，東東在這段時間扮成看護文文照顧他，終於成功打動對方。有次東東聽到阿Wing喜歡文文，但卻認為從前的東東根本不能和文文相比，令東東非常傷心，決定在阿Wing復原後默默離開，他們的故事就猶如現代版的灰姑娘暗戀白馬王子。而三年後邱淑貞結婚息影，《偷偷愛你》也成了她最後的純愛電影。
今次兩人難得合體，影迷紛紛把握機會留言期待他們再次合作，不過大家咁想睇邱淑貞復出，其中一個原因當然係呢位超級美魔力嘅魅力啦，50歲睇落只係似三字頭，「果然係真正凍齡女神！」、「靚到一個極點相信就係咁，唔講唔知佢生咗三個女」、「究竟食咗邊隻防腐劑？」等等。原來當年邱淑貞獲封「無綫四美」，另外三位是楊寶玲、李美鳳與林穎嫻，難怪迷倒不少男粉絲，而她在1992年《赤裸羔羊》中性感大膽演出，一改過往清純形象，更奠定「性感女神」地位，亦憑藉此電影獲得金像獎最佳女主角提名。另外她於1994年《賭神2》裡穿吊帶紅衣登場，嘴裏叼着撲克的形象同樣叫人深刻。咁早息影，確實可惜呀！