【聲明】港生活網站並無進行電話推廣活動

海港城聖誕亮燈 愛心鎖橋傳愛意

發佈時間: 2018/11/14

海港城聖誕燈飾噚晚正式亮燈啦,今年仲請嚟美魔女鍾楚紅主持亮燈儀式,3、2、1,全場一齊大叫「Merry Christmas」!黛安每年都好期待海港城嘅聖誕裝飾,今年就好驚喜,因為史無前例喺海運大廈露天廣場築起超過40米長嘅聖誕大橋,同60呎嘅巨型聖誕樹,未到聖誕就已好有氣氛!

聖誕大橋仲化身做全港第一條「愛心鎖橋」,配合聖誕樹同其他聖誕裝置,今個星期五起,每逢晚上6點至10點嘅正點同30分開始,就會有聖誕音樂燈光滙演。喺維港夜景襯托下,超過20萬顆LED燈同電腦燈飾,畀一幕幕唔同色調嘅浪漫場景包圍住,一定唔可以錯過。

最特別係大家仲可以即場自製明信片,將喺海港城影嘅聖誕相,上載到個人ig帳號同貼文加上#harbourcity及#hcxmas,就可按照「instagram明信片」機上嘅指示印製,之後寫上祝福、收件人姓名同地址,投入指定聖誕大郵筒內,就免費幫大家寄出。

撰文: 黛安 消息特靈八卦公關
欄名: 八卦名利場