鍾欣潼與台灣「醫界王陽明」賴弘國將於12月正式註冊兼擺酒，由於兩人拍拖未夠一年就宣布閃婚，加上又是異地戀，而最大問題是阿嬌出名蠢，唔係我哋話架，係佢自己講：「我係好單純，個人好直，成日得罪人，大家就會覺得我死蠢，但我入行時同自己講話我唔想變，所以啲人點話我蠢、笨、鈍，都由得佢哋！」
難怪最初外界都好擔心阿嬌又再被騙，到底佢鍾意賴弘國啲乜？近日阿嬌出席內地節目《爸媽學前班》時，就透露賴生有三大優點，令她意亂情迷，首先，她喜歡賴生對病人非常親切，態度專業；第二，賴生非常留意她的一舉一動，只要稍微抱恙，即會全天候貼身照顧；不過講到最欣賞的，都是賴生的個性，阿嬌話：「他不單溫柔，而且我本來都覺得自己是單純的人，但他比我還單純。」雖然聽落就好sweet，不過有關言論一出，即時惹來不少贈興言論：「乜原來單純都係優點？咁咪天真到爆？」「我就唔信佢單純過阿嬌喇，小心又畀人呃呀」仲有唔少網民話好想見識吓賴弘國到底有幾單純喎！