慶祝「木婚」 安仔自爆要對Sammi口花花

許志安前晚到澳門出席頒獎典禮，提到今年是他與太太鄭秀文（Sammi）結婚五周年紀念，安仔揚言會跟Sammi食飯慶祝。談到兩夫妻相處之道時，他抵死表示要對老婆口花花。

安仔前晚與胡鴻鈞及吳若希等歌手，到澳門金光綜藝館出席「全球華語金曲獎頒獎禮」，安仔獲頒三個獎項，包括「最佳男歌手」、「最受全球媒體關注男歌手」及憑《Remember Me》奪得「年度最佳粵語歌曲」，成為男歌手大贏家。

提到安仔日前被拍到獨自購買名牌絲巾，疑似是送給Sammi的結婚周年禮物，安仔說︰「唔係過萬蚊咁貴，亦唔係周年禮物，之前去日本凍吖嘛，結果都係我用多啲。」他透露會送有紀念價值的禮物給Sammi，亦會食飯慶祝，對於Sammi笑指若安仔肯親自織冷衫送給她，她定會穿上身，安仔即笑言︰「佢真係夠膽死，我搵個高手教我！」將迎來「木婚」，有甚麼相處之道？安仔說︰「起身就唔好記得前一日發生過嘅事，扮唔記得都要。有嘢食就一齊食，同埋要口花花。」

胡鴻鈞自稱「Shy哥」

同場的胡鴻鈞，前晚被工作人員大讚是「帥哥」，他笑說︰「都開心嘅，但我由『帥哥』變『Shy哥』囉，希望大家支持我嘅音樂。」他又自爆日前與家人飯聚的尷尬經歷︰「我同十幾個喺外國返嚟嘅親戚食飯，佢哋一見到我就拍手起哄，其他枱嘅人即刻望住，真係好尷尬。（八卦你嘅緋聞？）我唔畀佢哋問其他嘢。」

撰文︰倪小珊

編輯︰李潔盈

美術︰梁政敏