被喻為最美小龍女的李若彤,不單氣質非凡,而且個樣仲好似食咗防腐劑,十年如一日!最近佢同劉青雲、林峯、蔡卓妍合拍新戲《神探大戰》,去到煞科日,李若彤就喺微博同大家開心share,睇見青雲個髮型有啲怪,林峯就好似愈嚟愈少頭髮,不過講到最搶鏡都係李若彤的一張大頭相,就算咁近都好,佢嘅肌膚都一樣咁白滑,而且仲完全零皺紋,難怪相片一出,唔少網民都追問李若彤的保養心得,「果然係姑姑,簡直好似入咗古墓唔識老。」「我都好想老咗都好似佢keep得咁好,不過講真李若彤到底幾多歲?」
好一句李若彤到底幾多歲?雖然話年齡係女人嘅秘密,不過入得娛樂圈做藝人,又邊有秘密吖,李嘉欣48歲,劉嘉玲52歲,林青霞64歲,維基百科乜都寫晒,不過唯獨李若彤例外,事關早於90年代入行的她,多年來一直拒談年齡秘密,雖然就有傳其實她於1973年出世,即係45歲,不過又有知情人爆料,指李若彤早於1986年、以19歲之齡考入國泰做空姐,足足做咗七年,升至頭等機艙事務長先離開航空界,轉戰娛樂圈,如果屬實的話,李若彤今年即是已經51歲,不過講真,無論係45抑或51,李若彤咁嘅顏值,都肯定係圈中數一數二嘅美魔女。
李若彤微博
李若彤微博
李若彤微博
李若彤微博
李若彤微博