孖鍾鎮濤紅館鬥Rock 梁家輝神還原Queen主音

鍾鎮濤（B哥）相隔十年再度踏上紅館舞台，前晚舉行首場《故事繼續》演唱會，邀得好友溫拿、梁家輝及鄭秀文任嘉賓。當中梁家輝扮成殿堂級樂隊Queen已故主音大開金口，成功掀起全場高潮，B哥更大讚好友玩得夠放！

鍾鎮濤前晚以黑色禮服配帽子的紳士look登場，一口氣唱多首歌後說：「上次紅館開騷已經十年前，好感恩一路好多朋友、家人同粉絲支持我。」輪到快歌環節，B哥依然寶刀未老，又唱又跳之餘，又落台跟好友擁抱。

B哥囡囡鍾懿及鍾幗分別上台任表演嘉賓，彈住Ukulele與爸爸合唱的鍾㦤表現緊張，B哥搞笑安慰囡囡說：「今次係爸爸演唱會，唔會好似以前咁有幾個伯伯走出嚟，咁我真係溫拿入面年紀最細嘛！」引得全場爆笑。B哥又深情感謝太太范姜：「當年我人又老、錢又無，老婆又走佬，但佢（范姜）幫我照顧一對仔女，最後成為我太太。」

到encore部分，影帝梁家輝黐假鬚配白背心牛仔褲，扮成已故Queen主音Freddie Mercury在85年Live Aid的經典造型上台，孖B哥合唱《We Will Rock You》。只見家輝扮相動態似到十足，更向台下狂派飛吻。不過溫拿上台時，譚詠麟取笑家輝似足四哥謝賢，而B哥則以《讓一切隨風》作結。

期待偉仔捧場

騷後受訪時，B哥大讚家輝非常認真︰「我睇咗Queen嗰套戲就決定玩一段，家輝好放，佢仲勁過我。」提到另一好友梁朝偉前晚沒到場，阿B指對方可能尾場來支持︰「佢好飄忽，如果心血來潮就會嚟。（同偉仔合唱？）台上就應該唔會，私人party就會。」

撰文︰Pauline

編輯：李潔盈

美術：梁政敏