黛安
黛安

嘉頤薈護養院揭幕 周大福慈善基金資助營運

發佈時間: 2018/11/27

嘉頤薈護養院揭幕 周大福慈善基金資助營運

香港面對人口老化問題,護養院嘅需求愈來愈殷切,由新世界集團嘉頤護理有限公司開辦嘅水泉澳邨嘉頤薈護養院,日前由政務司司長張建宗主持揭幕儀式。黛安知道,嘉頤薈護養院佔地逾15,000呎,提供100個宿位,60個係政府資助宿位、40個係非資助宿位,而周大福慈善基金就撥款1,270萬元資助裝修工程同提升設備水平,另每年資助600萬補貼非資助宿位同埋營運經費之用,為期5年。

護養院由新世界全新康健品牌「Humansa優山仁社」管理,團隊包括經驗豐富嘅註冊護士、物理治療師、職業治療師、註冊社工同護理員,提供24小時服務。

周大福慈善基金主席鄭家成話,現時津助院舍同埋合約院舍平均輪候時間係36個月,周大福慈善基金同政府有共同理念,致力為長者謀福祉,等佢哋可安享晚年。

撰文: 黛安 消息特靈八卦公關
欄名: 八卦名利場