本報收到保護動物慈善協會 (LAP) 通知，早前接獲一批前繁殖場貴婦狗狗，全部牙齒、後腿、乳腺等都有不同程度的傷害，LAP盡力拯救後，雖然已回復正常外表，但仍需要進行手術，希望大家關注繁殖場問題，以領養代替購買，杜絕繁殖場的不人道行為。
繁殖場狗狗的自白
「我個名叫做Nemo，我係一隻不斷做繁殖嘅機械。 我一生嘅曰子就係一個尺半既籠，你想唔想像到八年我嘅生活係點過？我既心情係點？但係我今天終於重生，我去咗一個新嘅地方，雖然有啲陌生，但起碼有光線，有充足嘅食物，同埋原來係有人會抱我。雖然我身體還需要一段時間去整理一下，但我一樣有一個單純去愛我嘅新主人。」
接收、醫治及寄養
當狗狗多年來生育不斷，開始失去繁殖能力後，繁殖場便會拋棄這些年老的爸爸媽媽，部分會聯絡有關機構接收。LAP負責人Yvonne指他們經常接收這些可憐的貓貓狗狗，「好多時佢地嚟到都好醜樣，啲毛亂晒又營養不良，最常見的是因為不斷生育而缺鈣，牙爛晒臭晒，以及後腳完全無力，站不起來，還有心絲蟲。」LAP接收到這些毛孩後，會立即前往獸醫診所進行治療，更會幫牠們整理儀容以及先寄養，嚴重者或需進行手術，「其實每隻狗狗救返嚟，每隻醫療開支大約三至四萬(港元)，都係救得幾多得幾多。好似呢隻咁，雖然已經靚仔咗好多，但其實仲需要做手術，醫療開支好大。」
領養代替購買
拯救繁殖場毛孩當然刻不容緩，但最重要的都是從根源著手，以領養代替購買，就不會有這麼多繁殖場以此維生。其實很多時由寵物店購入的毛孩都是來自繁殖場，看到牠們的父母健康狀況如此，你還忍心嗎？而繁殖場的毛孩亦大機會是近親繁殖，生病的機會更高。如果想幫助這些毛孩，歡迎捐款以支持LAP 的日常運作並留意隨後的領養資訊。
相片及資料提供：LAP (Lifelong Animal Protection Charity)