張栢芝自從同謝霆鋒離婚後，雖然間中都有傳吓緋聞，但栢芝全部一律否認，不過今日卻驚傳栢芝已於養和醫院誕下第三胎，栢芝媽亦被發現現身養和，對於有喜傳聞，栢芝媽就話：「唔係！只係睇病！」不過前老爺謝賢對於栢芝生B，就竟然咁樣回應：「我唔知，唔講喇！同我祝福佢！」點解無端端要祝福栢芝？唔通有喜傳聞係真嘅？其實栢芝早喺今年2月曾於社交網站上載抱住B女嘅相，兼留言話：「2018年之前，必定要生出BB，this is my goal！」其後佢就刪晒所有社交網站，亦無再出席公開場合，行蹤成謎，令生B傳聞更加疑幻似真，不過相信大家依家最想知嘅都係，到底BB個爸爸係邊個？