Beyond靈魂黃家駒已經離開了大家25年，但他的一首首經典金曲依然陪伴我們成長，不過原來家駒雖然有音樂才華，但在衣著方面就一直被指品味麻麻，當年甚至有人形容他不修邊幅，而據熟悉家駒的人透露，他從不計較外表，所以對衣著不太講究，隨便一件衫都可著上身見人；但其實潮流嘅嘢，我哋識條鐵咩！實情家駒係走在潮流尖端至真，事關近日有眼利網民發現家駒當年的衣著，至今仍然在淘寶熱賣中，驚嘆偶像不止音樂走得前，連品味都一樣行得咁前：「原來當年係我哋唔識寶，誤解咗家駒，佢嘅衣者30年後嘅今日都仲係咁hit。」
男人著花花圖案，在8、90年代相對保守的社會氣氛來說，真係少啲膽量都唔敢著出街。但只要對比今日的淘寶貨，大家就明白家駒的眼光去到有幾遠。
豹紋無論以前定依家，在一般人眼中都是女生專利，不過家駒一早就已衝破性別界限。
如此誇張的紅舌頭圖案，原來是大名鼎鼎滾石樂隊的Logo，早於1991年家駒已著呢件衫向對方致敬。
同樣是91年，家駒到訪非洲時所穿的啤牌恤衫，以當年眼光，家駒可能真係走得太前，不過來到2018年，就變得恰到好處。
可算是家駒的招牌外套之一，盡顯簡單是美的精髓，沒有太多花巧，男女都啱著。
在《海闊天空》MV中所穿的綠色外套，依家著都一啲唔會覺得老套或者out。