黛安
黛安

2400人齊練武 傑青武術操破世界紀錄

發佈時間: 2018/12/06

2400人齊練武 傑青武術操破世界紀錄

中國武術博大精深,年輕人習武可強身健體,仲可挑戰世界紀錄!黛安講緊嘅係由傑出青年協會同經緯集團副主席陳亨達聯合發起嘅「傑青世界紀錄武術活力操」,噚日總共邀請咗來自23間中小學校、2,400名學生,齊齊合力打出一套糅合武術與健體嘅獨特「活力操」動作,成功打破咗世界紀錄協會嘅世界紀錄,真係好威水!

活動噚日喺沙田源禾路運動場圓滿舉行,傑青會仲特別請咗10位社會知名傑青擔任「健康大使」,唔少大使仲即場聯合活動。籌委會主席周定宇身體力行,帶住成班參加者進行熱身運動,迎戰世界紀錄。而陳亨達同體協暨奧林匹克委員會副會長霍啟剛,一齊為活動發施號令,加埋2,400個學生齊齊練武,場面好壯觀!最終活動喺世界紀錄協會負責籌委高松傑現場嚴格審視下,確認打破世界紀錄。

除打破世界紀錄的重頭戲外,大會亦為參加者準備咗豐富嘅娛樂項目,包括由保良局林文燦英文小學嘅學生,帶來嘅花式跳繩;同埋由「健康大使」馬鞍山靈糧小學校長陳美娟等人,即場同各位學生分享人生體驗,絕對獲益良多。

作為聯合發起人兼活動大使嘅陳亨達就同黛安分享,佢話呢款「武術活力操」唔止可以幫一班年輕人強身健體,透過學習武術,亦畀咗個機會大家更深入了解中國武術嘅博大精深,對中華文化嘅傳承亦起咗積極推動嘅作用!

佢仲希望,日後可以令武術融入生活,令中華文化走向世界,共鑄武術魂,同圓中國夢。夠晒熱血!

撰文: 黛安 消息特靈八卦公關
欄名: 八卦名利場