【聲明】港生活網站並無進行電話推廣活動

重遊上海

發佈時間: 2018/12/06
  • 1,000次
    分享

不知道是否因自己是上海人的關係,每次來到上海都感到特別親切。雖然每次我和上海人講上海話,他們必定同我講叫我講番廣東話,他們會聽的,但我也會盡力爭取講上海話。他們說我的上海話夾雜了很多地方的口音,很可愛啊。真是抬舉了哈哈哈……

上海除了有機會給我展示說上海話的能力外,上海食物亦是令我愛不釋「口」的。十多年前去過上海「圓苑」吃飯,十多年後舊地重遊,食物水準依舊出色,就算飽到想嘔,都依然停唔到口!厲害!(我話我!)

那個用花椒葉浸的醉蝦,簡直「攞我命三千」!消化晒成隻蝦,那陣花雕餘香依舊留在口裏,歷久不散!厲害!(今次我係話啲蝦)還有那疏乎厘蟹蓋、生煎包、鹽酥鵝肝,還有海參松茸雞湯,清甜滋潤,秋冬飲這湯,身體即刻暖笠笠;而且海參補充骨膠原,營養豐富。他們的招牌菜紅燒肉,肥而不膩,入口香濃,我可以食完一碟,再嚟一碟,但當然唔會咁樣做啦,要留番個空間畀下一味筍殼魚蒸雞蛋嘛!魚肉新鮮清甜美味,蛋有蛋味,筍殼魚有筍殼魚味;咁其實筍殼魚係乜味?咪就係筍殼魚味囉,下次你自己嚟試下啦!

這家「圓苑」在上海十分有名,必須先預訂位,下次去上海,又多了一個飯堂了!

食飽飽之後,再去聽Jazz,聽出耳油!法國女歌手,唱《玫瑰玫瑰我愛你》,國語標準到我唔信,加埋出神入化的爵士版,加埋幾杯cocktail飲料,實在是醉上加醉更陶醉!

我又食又醉得咁開心,原因係出外靠朋友。多謝上海有你們,我至愛的朋友們,就算風大雨大,有你們的陪伴和帶領,為我撑傘擋雨,感覺溫暖平安!

I love Shanghai!

(本欄逢周四刊登)

撰文: 陳淑蘭 樂天知命,直言無忌的電視及電台節目主持人。
欄名: 口沒遮蘭