被喻為2018超新星的姜濤，挾著《全民造星》冠軍光環，組成全新男子組合MIRROR後，工作不斷，嚟緊仲會喺九展開騷，雖然仲係新人，但最近姜濤已經同Anson一齊升呢，同容祖兒合拍百老匯廣告，雖知道上次祖兒的百老匯對手是古天樂，難怪廣告一出，唔少網民都顯得好驚訝：「吓！佢做咗古天樂接班人？」
廣告截圖
做唔做到古天樂接班人，就言之尚早，不過姜濤呢位姐姐至愛，就絕對貨真貨實，於廣告中姜濤化身美男廚神，幫祖兒解決問題，祖兒想煮燒春雞，姜濤即時賣萌攬住隻雞幫手解凍，而呢個畫面更成為網上潛力圖，有網友截圖再加上對白「等我用體力幫你解凍」，夠晒玩味。
ViuTV facebook專頁
不過好戲在後頭，當祖兒想整薑餅人，但唔小心倒瀉糖，姜濤即時出絕招變身「姜糖」，令祖兒都即時冧晒，仲大大啖食由姜糖整嘅薑餅人添。到底姜濤喺姐姐界有幾受歡迎？唔使再多講啦！
廣告截圖