【聲明】港生活網站並無進行電話推廣活動

港產咖啡禮盒 炮製別致聖誕

發佈時間: 2018/12/07

大家聖誕節買咗禮物未呢?黛安一班好姊妹特別鍾意飲咖啡,最近收到風,知道有有心人炮製咗一個手作咖啡禮盒,全部香港製造,好有心思,買嚟送禮就啱晒啦!

公關姊妹話,Reyach創辦人、咖啡達人Carence,知道傳統嘅聖誕禮盒,都係堆滿咗各種由超市或者酒店可以買到嘅商品再放入籃,所以決定要改革,用香港製造嘅上等材料,打造一個如別不同嘅聖誕禮盒,等大家可以喺普天同慶嘅節日,同屋企人、朋友一齊分享。

黛安留意到有個價值688元嘅聖誕Deluxe禮盒,包含手作咖啡同甜品,好似有咖啡掛耳包、焦糖夏威夷果仁撻、手沖壺、咖啡杯等。

撰文: 黛安 消息特靈八卦公關
欄名: 八卦名利場