艾粒搵甄子丹宣布4月登紅館 粉絲︰請丹爺上台彈琴

男子組合I Love You Boyz（艾粒）昨晨在社交網Po片，組合成員少爺占和當奴特意找來甄子丹（丹爺）幫手公布，二人明年四月首度進軍紅館開騷，更有意邀請丹爺屆時當表演嘉賓。很多粉絲驚喜偶像獲「宇宙最強」加持；有人亦為艾粒終於圓夢大感興奮！

艾粒轉眼已成軍17年，二人今年八月已放聲氣入紙申請紅館開騷，他們更呼籲粉絲要幫手集氣。艾粒苦候近四個月，直至昨日才帶來好消息，他們在專頁Po片，卻驚見「宇宙最強」甄子丹現身宣讀紅館寄來的信件，初時指二人申請失敗，其後一臉失落的當奴出口術求丹爺︰「你識咁多人可唔可以幫幫手！」豈料丹爺竟說︰「玩你哋咋，恭喜你哋申請成功！」

拍片集氣終圓夢

艾粒得悉圓紅館夢，二人的表情卻未算激動，明顯「交唔足戲」。不過，少爺占亦醒目開口問丹爺表示︰「到時可唔可以做我哋嘉賓呢？」丹爺聞言一聲大笑，然後瀟灑地離開，未有回應，不過，各界相信他會為二人首個紅館騷出力。

其實，艾粒等上紅館等到頸都長，上月尾開始拍攝多段短片放在專頁，苦呻已放棄紅館夢，包括轉行做手搖飲品店收銀、泊車仔及在蕭潤邦的食店做侍應賣生煎包等，難得這隊本地搞笑組合終於達成目標，不少網友齊聲送上恭喜；有觀眾亦期待睇丹爺在紅館舞台表演。

撰文︰Steven、Pat

編輯︰黃寶恩

美術︰梁政敏