抱平常心爭視帝 馬德鐘︰攞唔到都戥人開心

馬德鐘、張曦雯、何廣沛與陳瀅等前晚到尖沙咀，出席《跳躍生命線》慶功飯局。提到憑此劇入圍爭視帝，馬德鐘坦言得獎與否非最重要，反而自己最想《跳躍生命線》可以變成處境劇，長拍長有。

《跳躍生命線》一眾演員前晚在素食菜館飯聚，今次馬德鐘與監製一同發起飯局，他表示劇集收視理想，台前幕後慶祝一番外，也趁台慶頒獎禮前幫劇集拉票。問到可有機會開拍續集或前傳？馬德鐘說︰「我有問監製，但佢一路避開我，其實我哋都覺得仲有好多故仔可以拍，套劇亦都好似係觀眾生活一部分咁，不妨考慮每日播半個鐘，好似處境劇咁！」

提到力爭視帝，馬德鐘表示心情平靜︰「攞到當然係最開心啦，但攞唔到都會戥人開心。」提到張衞健孭飛的《大帥哥》收視不俗，會否覺得有威脅？馬德鐘希望《大帥哥》收視超越《跳躍生命線》，因為可以推動觀眾看電視的意慾。

張曦雯低胸凍親

同場的張曦雯（Kelly）憑劇集提名「飛躍進步女藝員」，她自言不心急攞獎，因為自己仍有很大進步空間。另外，她早前往倫敦拍《飛虎之雷霆極戰》外景，她與黃宗澤拍攝一場舞會戲時，要穿低胸露背裙上陣，不慎病倒。

採訪︰Pauline

編輯︰李潔盈

美術︰梁政敏