嫌劉佩玥太嘈 胡鴻鈞呻險「職業性失聰」

無綫青春劇《救妻同學會》演員胡鴻鈞（Hubert）、劉佩玥（Moon）及黃美棋等昨午現身大角咀宣傳。胡鴻鈞昨日爆「大鑊」，取笑Moon聲量太大，令他幾乎患上「職業性失聰」，認真可憐。

一眾演員昨日大玩遊戲，劉佩玥更表現得非常「狼死」，事後Moon與胡鴻鈞齊齊受訪，男方踢爆Moon平日開工亦一樣狼死。劉佩玥則解釋︰「我只係鍾意玩，同玩得投入，而做嘢時更投入，因為要調劑生活！」

胡鴻鈞又取笑劉佩玥與朱智賢說話大聲夾嘈，令他患上「職業性失聰」，他苦笑說︰「我同Moon合作《殭》嗰陣，佢已經令我喪失一成聽力，今次拍完《救妻同學會》更加嚴重！」他又笑說︰「我為藝術而犧牲都無辦法，我都想請教下Moon點樣可以咁有中氣，聲音咁有穿透力，如果開騷唱歌一定好有用。」

Moon則推說馮盈盈的噪音比自己「更勝一籌」，Hubert聞言亦坦言無膽跟馮盈盈合作︰「自問我無咁嘅聲底，我有次喺廁所入面，都聽到大門外馮盈盈把聲。」

同場的黃美棋笑指Hubert「小學雞」，經常想整蠱她︰「佢成日都被我發現，所以令佢好有挫敗感。」

撰文︰Steven

編輯︰李潔盈

美術︰顏玉玲