黃子恆爆桃色醜聞 王君馨封口拒評論

王君馨（Grace）前晚身穿低胸晚裝出席活動，對於劇集《是咁的，法官閣下》拍檔黃子恆承認與女粉絲上床，Grace直言不會評論別人私事。

王君馨前晚出席「浪琴表國際騎師錦標賽」，提到《是咁的》拍檔黃子恆爆出桃色醜聞，Grace表示有留意報道，但不欲多談︰「人哋嘅私事我唔回應喇。子恆係好演員，好鍾意演戲，我哋無資格批評，亦唔關其他人事。」盛傳無綫決定雪藏黃子恆，將來或不再有合作機會，Grace表示︰「人哋私事我唔了解，唔會去講或者批評，如果我發生事，都唔關人哋事，但身為同事，都支持佢做好自己。」

另外，Grace坦承因《是咁的》口碑好，帶挈工作量增加，她更希望可以拍攝續集。提到即將舉行的《萬千星輝頒獎典禮》，Grace坦言最想該劇可以奪得「最佳劇集」，至於個人獎項，自己則沒有多想。她笑說︰「我睇好黃智雯成為三料視后，大家係同屆港姐，佢入訓練班時已經好好戲，而且好努力。」

撰文︰倪小珊

編輯︰李潔盈

美術︰顏玉玲

攝影︰林良明