齊齊返美過聖誕 陳法拉唔敢叫男友煮大餐

陳法拉前晚在金鐘出席聖誕亮燈活動，穿上透視恤衫的她透出黑色Bra，性感又搶鏡。法拉透露稍後會帶外籍男友返美國見家長及過聖誕，更十分期待品嘗陳媽媽炮製的聖誕大餐。

剛從內蒙古拍戲回港的陳法拉，表示當地天氣凍得誇張：「當地得零下18度，喺戶外企一陣已經凍到無晒感覺。我本來帶咗暖包去用，但係喺室外完全無用，着羽絨都唔得，因為啲風會直接穿過件衫，要着當地嘅羊皮先保到暖。」

法拉笑言幸好自己多數在室內拍攝：「其實去咗幾日都開始習慣天氣，日日都着三層打底褲上身，連眼睫毛都結冰。放假時都有包車去玩，體驗蒙古包，仲見到好多馬同羊。」

讚媽媽廚藝一流

聖誕節將近，法拉表示雖工作忙碌，但幸好抽出五日空檔，返美國與家人過節：「我好耐無返去同屋企人過聖誕，所以好期待，好掛住媽咪整嘅聖誕大餐，全部都好好味。美國都好凍，我打算着住聖誕睡衣全程留喺屋企唔出街。」她表示外籍男友會同行，男友更早已試過陳媽媽的廚藝，可會叫男友下廚孝敬陳媽媽？法拉笑說：「毒害媽咪就唔好啦，佢（男友）唔識煮嘢食。相反我媽咪好勁，一年365日都會煮嘢畀爹哋食，真係好勤力。」她大讚媽媽同時兼顧家庭、事業和興趣，自己也會以媽媽為榜樣。

撰文︰Pauline

編輯：李潔盈

美術：顏玉玲