廢物再造化身樂器 「膠響樂隊」頌環保

惜物減廢，原來都可以好好玩。黛安早排同PopCorn姊妹傾開，原來今個聖誕節安排咗全港首支塑膠樂隊「自然遊樂Plastic Band」，喺本月22號開始一連4日演奏「膠響樂曲」賀聖誕。

望啟發大家減少浪費

到底係點樣「膠響樂」法？原來樂隊係用咗唔同嘅「廢膠」升級再造樂器，好似將棄置水桶、罐同膠樽拼成爵士鼓、用膠樽同膠蓋整敲擊樂器，仲用上水桶整結他，為大家奏出綠色音符。

樂隊嘅創辦人Helen話，希望通過「膠響樂」，啟發大家思考物料可以如何妙用，減少浪費。今次仲特別編製咗4首經典聖誕金曲，包括Jingle Bells、O Christmas Tree等，希望勾起大家嘅「綠色共鳴」。

如果大家想聽歌，記住下午3點同5點去PopCorn一期一樓中庭；等待期間，仲可以行埋「至萌」嘅「聖誕歡樂聯『萌』英雄基地」，成個聖誕都開心滿分啦。