繼由肥媽主持的《大灣區活好D》教食淡水魚生後，TVB最近又上演傑作，於第二輯《香港原味道》教人生食流浮山生蠔，雖然節目標榜生蠔經過淨化，完全無問題，但有網民就指連主持譚玉英與黃庭鋒都只敢食半隻，毫無說服力，仲有網民喊驚話：「係咪想入急症？係就食啦！」
流浮山是香港最大的蠔排集中地，與內地珠江口相連，根據聯合國環境署今年數據，珠江在全球十大塑膠污染河流中排第七位，每年流經的塑膠垃圾有五萬多噸。中文大學環境科學系綜合兩年化驗結果，在平均一隻大約重十克的蠔就發現六十至一百顆微膠粒。雖然蠔民設有淨化工廠，標榜生蠔經過嚴謹的淨化過程，把關十足，達國際衛生指標，絕對能放心生食，不過講係咁講，譚玉英同黃庭鋒都只係食半隻就停手，難怪於網民惹來一片質疑，而今次班網民唔係只得個「鬧」字架，佢哋仲有好多理據：「深圳灣大橋左邊一條條好似蟲嘅野就係蠔排，蠔排旁邊陸地有個淺藍色地方係稔灣廢物站，廢物站就係垃圾堆，啲污糟野好近啲蠔排，大家最好都係唔好再食生蠔！」、「就算你消毒晒全部菌，啲重金屬點都拎唔返出黎，點食啊，同啪濃縮化學元素表有咩分別」。
▼未淨化前的蠔大腸梓菌含量多到嚇死人，又難怪網民看完更加質疑田水質問題
不過都有網民撐生食流浮山生蠔好安全，事關節目提到他們會抽取地下井水至150米深注入淨化池，把蠔淨化，又有專業研究人員把關，：「人哋有晒儀器，做晒研究check住，唔通人哋大學夾埋一齊造假咩？」、「人哋有淨化機，唔係嘅話使乜用咁多錢買部野返嚟？」