阿嬌力數老公四大缺點 「點解咁差都肯嫁」

一向出名夠「真」嘅鍾欣潼，雖然今個月18號就正式註冊成為賴太，新婚本應甜甜蜜蜜，但近日阿嬌作客由大S主持的節目《Beauty小姐》時，就竟然大爆賴弘國四大缺點，力數另一半不是，搞到唔少網民忍唔住衝出嚟贈興：「點解講到咁差都肯嫁嘅？」係喎！點解嘅？點解嘅？

易嬲豬

阿嬌透露原來賴弘國是一個很容易發脾氣嘅人，只要情緒一到就好麻煩，阿嬌為免吵大鑊，往往只好認低威，主動氹對方，先能夠平息風波，真係估妳唔到咁麻煩。

眼光差

賴弘國雖然有一雙迷人電眼，但原來佢嘅眼光好差吓，阿嬌話從婚戒以至婚紗禮服，賴生都有幫手揀，不過佢揀嘅款式就真係……結果都係要阿嬌自己揀。不過話時話，賴生眼光咁差，又點會揀到阿嬌嘅呢？

{{hket:inline-image name="gdf.jpg"}}{{/hket:inline-image}}

EQ低

話說兩人公開戀情之初，賴弘國因為被網民起底，遭網絡欺凌，寫到佢成個「渣男」咁款，因為呢件事搞到賴生好唔開心，情緒都出現問題，要阿嬌反過來安慰佢：「他看到一些不好的評論，會把它放大，我會安慰他：『可能他妒忌你呀』！」

嫌包貴

Shopping係女人天性，不過若然賴生陪阿嬌買手袋，就絕非樂事：「他會說妳買包不看價錢，我說沒有啊，我覺得我那麼辛苦努力賺錢，但現在會顧慮他的感受，我就不敢買。」

雖然賴弘國缺點多多，不過阿嬌就話在這段感情中，男方都為她付出很多：「他是畏高的，但仍陪我跳傘，我真的很感動。」照咁睇，相信阿嬌真係完全俾賴生食住囉！