呢鋪真係型到噴汁呀！不過今次唔係講緊張衞健，而係讚緊佢嘅好兄弟李嘉，於《大帥哥》中飾演冬來的李嘉在劇中雖然極少對白，但觀眾激讚他單靠表情已交到戲，而且明明外型粗獷，但又竟然走可愛路線，非常討喜，演出絕對令人眼前一亮。原來李嘉加入TVB足足19年，多年來只做大配角，同期訓練班的胡定欣早已成為視后，今次李嘉憑《大帥哥》突圍而出，全因恩師張衞健的巧花心思鑽研劇本，帶動他揣摩角色，難怪李嘉愛張衞健愛到出晒面：「我錫咗佢一啖！」
憑真功夫考入無綫
入行19年，現年36歲的李嘉一直做不起眼的角色。自小已開始習武的他，懂泰拳、跆拳道、搏擊、巴西柔道等，最擅長內功。1999年李嘉成功以真功夫考入特技演員訓練班，以龍虎武師身份入行。2年後李嘉因為拍動作片受傷，康復後轉讀藝員訓練班同胡定欣一齊學戲、讀書。一開始李嘉多是做客串，如賓客、侍應、大隻男等角色，直到《巾幗梟雄之義海豪情》飾演日本人黑木少佐，李嘉終於有屬於自己的角色名。為把握演出機會，李嘉很努力鑽研這個大奸角的內心世界，甚至特意花時間練日文，當時更獲網民讚他發音標準，可惜角色太早死，發揮機會有限。之後李嘉在《城寨英雄》企圖侵犯林穎彤，奸到出汁，演活賤格猥瑣的大奸角，甚至因劇情要求自隊生蛋，一cut機即狂嘔黃膽水，但他仍死頂繼續拍劇：「蛋汁膽水劏盡…………剩下的，就只有一份喜悦與感恩～多謝大家」。儘管再受到網民賞識並首度獲提名TVB「最佳男配角」，可惜之後卻無以為繼。
原以為李嘉會繼續其大奸大惡之路，但來到《大帥哥》，他卻突然轉走可愛路線，雖然是軍閥一名，但為人內斂，喜歡活在自己世界，怕醜表情交到戲之外，說話時更加逐隻字講出來，將單純天真的性格演得入木三分，而網民除了讚他演技了得之外，對敵人時拳拳到肉的真功夫更是打得出色。連張衞健都讚李嘉演得好，完全投入到冬來一角，為角色賦予靈魂：「我演咗咁多戲，我係第一次見到一個角色係咁特別，每一次講嘅對白得一粒字，講一粒字都可以𦧲嘅時候，呢個係一個境界嚟㗎！我直情要拜李嘉為師！」
感激張衞健無私教導
李嘉成功在網上掀起熱話，最感激的是張衞健無私教導，原來他是張衞健忠實粉絲，知道要跟偶像合作，無論角色能否爆紅，他已自覺很幸運:「我見到佢第一刻係嗰種粉絲見到偶像嘅興奮，又唔敢過去，又好想過去攬住佢嘅感覺，最後我都錫咗佢個頭一啖！所以我一路開工都好興奮，直到拍完之後有啲失落。」，說罷即靦腆一笑。李嘉指張衞健巧花心思鑽研劇本帶動對手，令慣演奸角的他更易揣摩冬來這個角色，所以大家感情好好：「有得同大哥一齊拍劇我好幸福啊！戲外我哋都係好好兄弟，喺半年時間一路相處，去佛山大家互相扶持同鼓勵，好似一家人咁。」如今李嘉憑著《大帥哥》再次人氣爆燈，希望他將來能做到主角，得到更多演出機會。