三聯中華商務 齊推舊書回收義賣

你有無睇完嘅書，又想捐出去呢？黛安知道，最近聯合出版集團就同新家園協會合作，推出「關愛咭『喜閱家園』慈善計劃」，即日起帶同舊書去6間指定門市，就可以同更多人分享閱讀嘅樂趣啦！

公關姊妹話，計劃希望通過舊書回收同義賣活動，將舊書循環再用，並將籌得嘅善款用喺協助香港基層家庭購買書籍上。

即日起至下星期三（19號），可以去三聯嘅灣仔同元朗分店，仲有中華書局喺油麻地同荃灣分店，以及商務印書館喺尖沙咀同沙田分店回收舊書，送畀新家園協會喺明年進行義賣。姊妹仲話，聯合出版集團已經率先向新家園協會，捐出總值60萬元嘅書券同圖書，希望各位朋友都踴躍支持啦！活動詳情可以留意︰https://goo.gl/aet3uW。