馬德鐘大熱首贏視帝 提名16次終打破宿命

視帝之爭戰況激烈，勢均力敵，最後入行多年的馬德鐘成功得到視帝，可謂實至名歸！結果一出爐，馬神即獲多個藝員同事擁抱及支持，人緣很強。1993年加入TVB的馬德鐘一直以來演出多個出色的角色，曾提名過16次視帝，今年化身在哥麥在田，無論專業還是深情都難不到他。《跳躍生命線》收視口碑雙收，劇情感人，馬德鐘今年終於圓夢，打破宿命。

講得獎感受時，馬德鐘多謝咗好多人：「好開心，我第一次攞呢個獎，企喺呢度攞呢個獎，先知咩叫吃過苦先知道甜嘅美好。好多謝TVB俾咗好好嘅平台我，好多謝支持我嘅觀眾、傳媒朋友。好多謝珍姐，冇你唔會有《跳躍生命線》，唔會有麥在田，我唔會有得攞獎，你對我講每一句說話我都會記住。以前我年少無知，依家我好清楚我會做得好好...多謝樂小姐，你無論喺我事業高低起趺都會不停鼓勵我、不停安慰我。多謝《跳躍生命線》嘅監製、編審、台前幕後嘅工作人員，有你哋先有咁好嘅戲。唔好意思，真係要多謝好多人，因為第一次攞！多謝所有幫助過我嘅人、前輩，我要多謝我屋企人，我相信我爸爸喺天上睇到，媽媽喺電視旁邊唔好喊得咁緊要，保重身體。要多謝我個仔，佢俾咗好多快樂我...」

不過對於好男人馬德鐘，最重要當然是多謝老婆大人張筱蘭：「多謝我太太，做一個藝人嘅太太唔容易，你照顧得我同我屋企人好好，好多謝你！」

{{hket:inline-image name="49.jpg"}}{{/hket:inline-image}}

{{hket:inline-image name="48.jpg"}}{{/hket:inline-image}}

{{hket:inline-image name="51.jpg"}}{{/hket:inline-image}}

{{hket:inline-image name="50.jpg"}}{{/hket:inline-image}}

{{hket:inline-image name="52.jpg"}}{{/hket:inline-image}}

▼馬德鐘飾演救護總隊長麥在田，亡妻的演出令觀眾甚為感動

{{hket:inline-image name="56.jpg"}}{{/hket:inline-image}}

{{hket:inline-image name="55.jpg"}}{{/hket:inline-image}}

{{hket:inline-image name="54.jpg"}}{{/hket:inline-image}}