寸爆TVB植入式廣告 馬國明係咪唔想撈

昨晚TVB頒獎禮雖然馬國明最後繼續陪跑，失落視帝，但亦憑《宮心計2深宮計》任三恕一角贏得「最受歡迎電視男角色」。當宣佈得獎一刻，馬明愕然咗好幾秒，同身邊興奮叫囂的藝員同事相映成趣。上到台馬明講得獎感受時，更句句有骨寸爆TVB幫Tempo紙巾賣廣告，這番感言除了令人想起近期3大最災難植入式廣告外，大家對馬明的敢言作風亦好壞參半，有人覺得他口不擇言，沒有尊重場合，不過亦有很多連登仔、高登仔衝出嚟贈興問馬明係咪唔想撈，所以先咁大膽喺高層面前講真心話！

{{hket:inline-image name="44.jpg"}}{{/hket:inline-image}}

電視截圖

網民力撐馬明

其實又難怪馬明會爆嘅，事關年年視帝佢都係陪跑，就連後輩王浩信、陳展鵬等早已封帝，佢都只係得個「睇」字，計埋今年佢已經拎咗三次「最受歡迎電視男角色」安慰獎，難怪當宣布個陣，馬明竟然唔想行出去，要人喺後面推佢先捨得出嚟，而當佢一見到成盒Tempo喺度玩植入式廣告，終於要爆喇：「首先唔使俾紙巾我，因為我唔係代言人，我冇收到錢……」講完之後全場「嘩！」咗一聲，之後馬明又繼續爆：「我真係唔知點解攞獎，真係莫名其妙，同埋我唔係蕭正楠咁已經註咗冊，所以大家唔使咁大反應。咦，都要多謝高層嘅，多謝樂小姐多謝珍姐。」

馬明這番話頓時引起網上激烈回響，有人覺得馬明口不擇言，沒有尊重場合：「語無論次......佢真係唔適合做娛樂圈」、「係咁唔鍾意點解仲要出席...大佬呀，人哋個場合唔應該講呢啲，搞到成場氣氛尷尬，想劈炮？」不過連登仔、高登仔就好撐馬明，甚至讚他是俗世中的清泉：「馬明終於都爆啦忍左咁耐」、「非常欣賞佢咁有吉士，好真，不虛偽，直頭係俗世清泉」、「講真雖然我都鐘意用tempo, 但其實成晚見到佢哋好高調地拎盒tempo出嚟就覺得好肉酸、反感，但其實佢係咪唔想撈，所以先咁大膽」。

{{hket:inline-image name="45.jpg"}}{{/hket:inline-image}}

電視截圖

{{hket:inline-image name="46.jpg"}}{{/hket:inline-image}}

電視截圖

{{hket:inline-image name="15.jpg"}}{{/hket:inline-image}}

電視截圖

三大最災難植入式廣告

講真對於TVB最近的超誇張植入式廣告，唔止馬明睇唔過眼，好多網民亦睇到好反感，好似最近《東張西望》就不時借專題研究環節，趁機介紹Big Big shop的產品。又例如《香港原味道》介紹流浮山食蠔，之後Big Big shop即刻有金蠔賣。就連《愛回家之開心速遞》都採用了硬銷手法，有集先設計小朋友玩失蹤，安排他們去到海洋公園，再花大部份時間瘋狂介紹、拍攝園內的景點和遊戲，誇張程度猶如廣告雜誌。

{{hket:inline-image name="12.jpg"}}{{/hket:inline-image}}