琴晚《萬千星輝頒獎典禮2018》嘅得獎結果總括嚟講都算令人滿意嘅，一如以往啲網民除咗關注邊個藝人有獎拎、邊個冇獎拎之外，仲好關心一眾女藝人嘅裝扮。今年一眾女星都盛裝赴會，著得好睇固之然吸睛，但著到時裝災難咁就嚇死人喇！
李佳芯
李佳芯咁靚女以為咩裙都可以carry到，點知睇完佢條裙就想收返呢句。佢條裙突出咗身材缺點不特止，仲勁似紅館座位表！同埋個妝怪怪哋，太樸素顯出一臉病容咁款，靚樣就咁俾個造型浪費咗。
{{hket:inline-image name="24.jpg"}}{{/hket:inline-image}}
{{hket:inline-image name="25.jpg"}}{{/hket:inline-image}}
▼救命！！！網民嘅創意真係嚇大家一跳，唔咁P都唔知似到咁
{{hket:inline-image name="54.jpg"}}{{/hket:inline-image}}
張曦雯
張曦雯五官輪廓夠深，身材仲好勻稱，但估唔到琴晚竟然會出事。佢條開釵裙由腿趾露到去pat pat位，不時畀風係咁吹，都咪話唔牙煙。雖然冇錯係好索、好性感，不過條裙嘅設計就麻麻哋，好似得垃圾膠袋求其包住咁。同埋個妝太重喇，本身個底好、化太濃就over咗。
{{hket:inline-image name="41.jpg"}}{{/hket:inline-image}}
{{hket:inline-image name="39.jpg"}}{{/hket:inline-image}}
陳煒
煒哥身材冇得輸，佢條裙仲要得兩條帶遮住胸前位置，難怪網民會封佢為「最索中女」。唔單止上面，煒哥下半身又露咗大長腿，加埋薄紗長裙，若隱若現，個個男網民睇完都話堅係：「一年滋潤過一年」。但最好笑係有網民發現佢個樣好殘好攰，仲有啲同郭政鴻撞咗樣！
{{hket:inline-image name="37.jpg"}}{{/hket:inline-image}}
{{hket:inline-image name="43.jpg"}}{{/hket:inline-image}}
▼似唔似？
{{hket:inline-image name="55.jpg"}}{{/hket:inline-image}}
姚子羚
成個頒獎禮最靚真係表哥姚子羚，佢個妝偏向粉紅甜美style，襯返件閃令令嘅透視低胸晚裝，成個人好有女人味，仙女下凡咁，不得了啊，連網民都難得一致好評。
{{hket:inline-image name="30.jpg"}}{{/hket:inline-image}}
{{hket:inline-image name="28.jpg"}}{{/hket:inline-image}}
薛家燕
睇到家燕媽媽咁有事業心，大晒事業線，除咗黎小田嗒糖之外，其實我哋一樣咁鍾意。見到佢著到成個聖誕禮物咁，就好似同我哋講：「要．你．拆．開．我！」，掂過晒全場其他女藝人啦吓話。
{{hket:inline-image name="49.jpg"}}{{/hket:inline-image}}
麥明詩
雖然個妝幾自然，不過件毛毛外套就似足日本漫畫《海賊王》嘅唐吉訶德·多佛朗明哥嘅造型。更有網民有其他睇法，話麥明詩呢件絲質睡衣應該想向汪阿姐嘅《熱咖啡》同《迷人pink lady》致敬，真係懷舊至嚇親人。
{{hket:inline-image name="23.jpg"}}{{/hket:inline-image}}
{{hket:inline-image name="22.jpg"}}{{/hket:inline-image}}
▼你話似唔似呢？
{{hket:inline-image name="57.jpg"}}{{/hket:inline-image}}
湯洛雯
女神湯洛雯都有揀錯裙嘅一日，佢上身lace太多餘，搞到好似身形好大份、手臂好粗咁。整體嚟講除咗顏色唔靚好顯老，一朕娘味，仲搞到上圍都消失埋。
{{hket:inline-image name="45.jpg"}}{{/hket:inline-image}}
蔡思貝
其實蔡思貝個樣幾靚，短髮顯得佢好青春可愛，但條裙就好...特別，令人好想即刻飛去非洲親親大自然，加埋佢對幼成咁嘅腳，唔通佢cosplay緊駝鳥？好有心思啊！簡直要頒全場最特別造型獎畀佢。
{{hket:inline-image name="33.jpg"}}{{/hket:inline-image}}
{{hket:inline-image name="31.jpg"}}{{/hket:inline-image}}
黃智雯
雖然Mandy由頭到腳都冇露過身材，不過全黑晚裝毫不浮誇、大方得體，盡顯高貴氣質，著出嚟又幾靚幾順眼。只係個妝青口青臉，如果嘴唇仔再紅返啲就完美喇！
{{hket:inline-image name="42.jpg"}}{{/hket:inline-image}}
{{hket:inline-image name="40.jpg"}}{{/hket:inline-image}}
胡定欣
定欣披頭散髮，一臉倦容，成個劉以達喺戲裡面嘅經典長髮look咁，好想大叫一聲：「大夫！」，唉，都叫咗佢食多啲五色靈芝補吓身。仲有定欣今次仲頹到拎咗稻香啲枱布嚟做晚裝，如果7月14落街睇怕會拎到最佳服裝獎。
{{hket:inline-image name="50.jpg"}}{{/hket:inline-image}}
{{hket:inline-image name="51.jpg"}}{{/hket:inline-image}}
▼大夫！！！！
{{hket:inline-image name="56.jpg"}}{{/hket:inline-image}}
譚凱琪
明明Zoie身材幾好，係個嬌小可愛嘅靚女嚟，點知佢揀咗套仿乾濕褸設計嘅全淺藍色晚裝，唔知係咪準備夜晚「嘩」一聲打開件大褸，扮雨夜怪客呢？
{{hket:inline-image name="29.jpg"}}{{/hket:inline-image}}
朱晨麗
唔講仲以為係朱媽媽嚟咗TVB探朱晨麗，條裙嘅設計搞到腰線冇咗，身形即時脹咗幾個碼，再配合埋個頭，好有內地大媽嚟頒獎禮湊熱鬧嘅感覺。
{{hket:inline-image name="27.jpg"}}{{/hket:inline-image}}
李施嬅
藍色晚裝手袖位冇啦啦多咗啲薄紗，感覺好累贅，最抵死係成條裙咁多點點好似泡泡紙，令人有種想捏爆佢嘅感覺。
{{hket:inline-image name="36.jpg"}}{{/hket:inline-image}}
{{hket:inline-image name="34.jpg"}}{{/hket:inline-image}}
唐詩詠
唐詩詠揀衫一向都有啲眼光，今次佢白底彩色花花裙好靚好優雅，加埋啲黑色線條好似水墨畫咁，幾有意思。成個造型似陶瓷花瓶，但又唔會玩設計玩到over咗，詩詠都仲handle到，有中國古典嘅韻味。
{{hket:inline-image name="14.jpg"}}{{/hket:inline-image}}
{{hket:inline-image name="13.jpg"}}{{/hket:inline-image}}
{{hket:inline-image name="12.jpg"}}{{/hket:inline-image}}
胡蓓蔚
喂，夠鐘返屋企喇，唔好夜媽媽出嚟行街喇。啊豹嫂呢身打扮就好似中學生衣櫃冇乜衫，偷偷哋搵家姐啲衫夜晚出嚟玩咁，毫無晚裝嘅感覺，同個場合唔多夾。不如都係將軍澳搭車去銅鑼灣蒲啦。
{{hket:inline-image name="44.jpg"}}{{/hket:inline-image}}
{{hket:inline-image name="46.jpg"}}{{/hket:inline-image}}
馮盈盈
上次俾人話著淘寶貨，今次盈盈終於著返條底褲，唔再玩透視，轉返行清純保守晚裝。但係一嚟條裙夾到胸型好怪，二嚟胳肋底下面兩條布好似tempo廁紙，唔通佢知道tempo係今次大會贊助，所以專登想擦鞋？
{{hket:inline-image name="20.jpg"}}{{/hket:inline-image}}
{{hket:inline-image name="21.jpg"}}{{/hket:inline-image}}
王君馨
君馨不嬲鍾意行中性型格烈女風，今年都唔例外著咗閃片西裝，中門大開露出裡面件黑色bra top，夠噴血。可惜網民唔太欣賞，覺得佢個look似去參加80年代懷舊舞會，仲問佢係咪落歌廳唱歌。
{{hket:inline-image name="18.jpg"}}{{/hket:inline-image}}
{{hket:inline-image name="19.jpg"}}{{/hket:inline-image}}
高海寧
高Ling唔睇個頭好正，因為露咗白滑背脊，睇埋個樣就好似聽到有人喺耳邊講：「I wanna play a game?」咁，臉部嘅曲線比身材曲線更加搶眼。
{{hket:inline-image name="17.jpg"}}{{/hket:inline-image}}
{{hket:inline-image name="16.jpg"}}{{/hket:inline-image}}
{{hket:inline-image name="15.jpg"}}{{/hket:inline-image}}
