劉佩玥聖誕開P 預埋周志文

劉佩玥（Moon）、朱智賢、余思霆及黃美棋等昨午現身將軍澳某中學為熱播劇《救妻同學會》宣傳，Moon透露下周的聖誕節已有多人相約，亦暗示與緋聞男友周志文一齊過節！

昨日主角胡鴻鈞因病缺席，一眾年輕演員與學生提早迎聖誕，充滿歡樂氣氛，至於劉佩玥玩遊戲時則深受一班學生哥歡迎，成為集郵對象。Moon笑言︰「最開心係佢哋對劇情好認識，有女同學讚我哋靚，所以特別Sweet。」Moon指前晚與劇中演員搞聖誕派對玩交換禮物，自己抽中了一條毛巾。她說︰「原來唔係最差，大家投票認為最差嘅係黃庭鋒送嘅按摩機！」

朱智賢過Lonely Christmas

提到是否已經相約緋聞男友周志文過聖誕，她未有正面回應，只笑說︰「到時都應該會一大班朋友慶祝！」她又透露不太喜歡收禮物，全因花費在包裝上非常浪費，戲言寧願收Cash最實際。

此外，朱智賢則笑指聖誕沒人約，問到緋聞男友謝東閔如何，她回應︰「佢應該忙住開工，我就得閒啫，睇吓到時點！（感情出現問題？）無，大家都係工作行先。」

撰文︰Steven

編輯︰黃卉彤

美術︰顏玉玲

攝影︰林良明