慘遭劉心悠騎住 王祖藍害死徐子珊

徐子珊貴為2004年港姐冠軍、2010年更獲TVB捧為五大當家花旦，本應前途無限，但她毅然於2015年選擇離巢，其後簽約加盟王祖藍旗下公司，計劃勇闖影壇兼北上發展。誰知三年過去，徐子珊的工作量大減，仲得閒到於去年以半工讀形式修讀心理學碩士。由於星途暗淡，以致多次傳出徐子珊不滿祖藍辦事不力的傳聞，而祖藍亦大方承認：「因為我一早應承過為佢度身訂做電影，但結果計劃一拖再拖，我諗佢一定好後悔簽我。」其實祖藍呢位老闆認真唔稱職，事關早前已有鄧萃雯同黎瑞恩選擇走人，徐子珊不滿係有原因嘅。

雖然電影夢未圓，不過好彩由於祖藍間公司，邵氏都有份，所以早前邵氏同愛奇藝聯手開拍的電視劇《守護神之保險調查》，徐子珊都有份參演，只可惜離巢前貴為當家花旦的她，竟以女配角身份回歸無綫，慘被女主角劉心悠騎住，令很多網民都戥佢唔抵，而更可怕的是，雖然套劇24號平安夜先喺無綫播，但其實一早已經喺內地搶先播出，由於三大主角黃宗澤、苗僑偉與劉心悠同是保險調查員，相反徐子珊的角色只是洗衣店東主，因此有睇過的網民都指子珊相比其餘三人，戲份少得可憐，「如果子珊一直留喺TVB，就唔使搞到做配角咁慘啦！」「最衰係王祖藍，係佢害死子珊」唔知大家又點睇呢？

{{hket:inline-image name="gf.jpg"}}{{/hket:inline-image}}

《守護神之保險調查》劇照

{{hket:inline-image name="e.jpg"}}{{/hket:inline-image}}

《守護神之保險調查》劇照