大家仲記唔記徐子珊？自從約滿TVB之後，佢簽約王祖藍旗下嘅經理人公司，將演藝重心移至大陸，香港觀眾好少機會見到佢。不過今年佢返嚟喇，佢喺新劇《守護神之保險調查》會飾演貪錢但正直嘅洗衣店老闆娘兼保險經紀，同苗僑偉有感情戲。為咗宣傳新劇，呢排佢頻頻更新微博、instagram，等香港粉絲都知道佢嘅近況，但竟然有唔少網民話佢又唔同咗樣，疑似變臉。
徐子珊14年前因香港小姐奪冠入行，喺2016轉戰大陸發展，唔知係咪大陸嘅氣候同飲食同香港唔同，或者受到當地文化衝擊，佢個樣喺幾年間瘋狂進化，臉型由原本方形國字面漸變成V剎面，下巴仲慢慢收細，驚爆變臉疑雲，部分自拍照仲同陳冠希舊愛Cammi撞樣添。而最近已經進展到究極版８.0，塊臉尖到好似蛇精男不特止，連招牌性感厚唇都唔見咗，似足大陸網紅樣。有網友就取笑徐子珊進化得太過火：「《My盛lady》嗰陣都好好哋，依家削骨還夫咁款！」、「其實之前都唔錯，點解要搞到咁？」但有人亦有人認為只係P圖過度，因為之前徐子珊已經試過想P條纖腰出嚟，結果太重手，被眼利嘅網民發現門邊同窗邊都彎晒，認真搞笑。
{{hket:inline-image name="21.jpg"}}{{/hket:inline-image}}
▼其實睇返徐子珊出道以嚟嘅樣貌變化，進化過程又真係有啲誇張嘅
{{hket:inline-image name="11.jpg"}}{{/hket:inline-image}}
{{hket:inline-image name="12.jpg"}}{{/hket:inline-image}}
{{hket:inline-image name="13.jpg"}}{{/hket:inline-image}}
{{hket:inline-image name="14.jpg"}}{{/hket:inline-image}}
{{hket:inline-image name="15.jpg"}}{{/hket:inline-image}}
{{hket:inline-image name="16.jpg"}}{{/hket:inline-image}}
{{hket:inline-image name="17.jpg"}}{{/hket:inline-image}}
{{hket:inline-image name="18.jpg"}}{{/hket:inline-image}}
雖然徐子珊接二連三貼出近照都被網民拎嚟恥笑，不過佢心情冇受影響，繼續post新劇劇照，唔知佢喺新劇嘅表現可唔可以蓋過變臉話題，為佢帶嚟好評呢？
{{hket:inline-image name="19.jpg"}}{{/hket:inline-image}}
