陳嘉桓闖消防局BBQ 網民鬧爆惹公審

有一排無見嘅陳嘉桓，最近終於蒲頭喇！佢有份參演嘅新劇《守護神之保險調查》近日於無綫播出，雖然戲份唔多，不過佢都好勤力幫手造勢架，最近就密密post相更新instragm，點知就竟然引發關公災難，事源佢同相差十幾年嘅同母異父細佬去咗消防局BBQ，明明係開心事，但就觸動咁網民神經，演變成網絡公審。

{{hket:inline-image name="11.jpg"}}{{/hket:inline-image}}

{{hket:inline-image name="12.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}

有網民鬧爆陳嘉桓咁做好有問題，等於俾人知道有消防員正在蛇王：「正常梗係唔好放上網連累朋友，佢就放上ig為咗呃like」、「好心唔好show off唔諗吓後果，呢種唔三思嘅人識黎有時真係人生災難」雖然有人鬧爆，但亦有人力撐嘉恒無錯：「人哋原意係消防員大時大節仲要當更，俾個機會啲家屬、朋友入局陪吓姐，咁都唔俾係咩心態」、「唔使出車又唔會影響服務，喺局度慶祝聖誕有乜問題？」咁究竟係網民神經太敏感，還是陳嘉桓真係有問題？

其實據消防處發言人指，年年平安夜或者聖誕，好多區嘅消防局都會搞BBQ，俾消防員同家屬、朋友共慶佳節，只要活動依足程序申請並獲批，而遇上需要出勤時，消防車依然可以喺指定時間內抵達目的地，成件事就冇問題。當然作為朋友同家屬都要遵守相關條例，例如唔可以接觸局內搜救工具，即使著咗消防制服拍照，亦需儀容端莊等等。

哦，咁即係大家怪錯無辜啦，但其實唔止陳嘉桓去咗消防局BBQ，原來湯怡都有去，仲寫明佢姐夫係消防員，不過就竟然無人鬧湯怡喎，唔通陳嘉桓真係惹是非啲？

{{hket:inline-image name="13.jpg"}}{{/hket:inline-image}}