聲沙方大同唔驚影響開騷

方大同昨日到商台接受訪問，宣傳三月舉行的兩場紅館演唱會，他笑言仍未開始綵排，但已經落實歌單，除了會翻唱其他歌手的歌外，又預告已邀得有型靚仔做個唱嘉賓。不過方大同昨日說話時聲音沙啞，他自言氣管敏感仍未痊癒，會多喝水和休息。

提到劉德華早前為患流感取消個唱，方大同說：「我仲有兩個月先開騷，應該無事，不過佢已經好厲害，連續唱咗十幾場，真係好勁，對我嚟講三、四場已經差唔多，佢係非常勤力嘅前輩，所以支持佢。」