與女友咀嘴被拍 洪永城扮失憶︰邊個主動？

洪永城（Tony）、蔡思貝及譚凱琪等一班《大帥哥》主角，昨日到中環出席嘉年華活動，眾人齊玩機動遊戲，玩得不亦樂乎。他們期望本周五播出大結局，收視再升。

洪永城早前攜女友梁諾妍（Inez）出席元旦倒數派對，二人舉止親密，陳敏之更上載了Tony與女友的咀嘴片段。昨天就此事向Tony求證，他即笑謂︰「唔記得咗！咁邊個做主動？」不過他大方稱這是開心事，不會介懷。

梁諾妍是模特兒兼跑步教練，兩人目前在熱戀之中，記者笑問他可有畀人Chur？Tony續說︰「佢只係Chur我一齊跑步，成日話去跑馬拉松，結果係佢去跑，我喺旁邊影相。」但他透露有考慮陪女友到北韓平壤跑馬拉松，可以邊跑邊欣賞沿途風景，他平日也有運動，相信可以應付得來。

怕睇結局忍唔住喊

洪永城在《大帥哥》飾演馬炭，令觀眾睇到咬牙切齒，Tony對收視非常有信心，提到本周五播大結局，一班演員已相約飯局睇電視，張衞健屆時也會出席。Tony說︰「多謝大家咁憎馬炭，希望接近大結局，令個角色推到更加乞人憎，挑戰呢個角色人性底綫，仲有兄弟情決裂。」他最擔心自己眼淺會忍不住喊，「曾想留喺屋企睇可以喊。（忽然咁感性？）多情啫，但唔風流！」

採訪︰Pauline

攝影︰林良明

編輯：陳禮恒

美術：梁政敏