消費林作惹批評 麥明詩示威：依家勁多仔

麥明詩同林作呢一對舊情人，從拍拖到分手都一直是非不斷，而喺最新播出嘅《#後生仔傾下計》，麥明詩更忽然重提林作，惹來消費舊愛之嫌，事關嗰集內容明明係講緊香港人返工苦況，但麥明詩就突然重提當年同林作分手鬧大交嘅事：「分手嗰晚仲要綵排緊港姐，因為我準備卸任，我衝咗岀去停車場傾電話，仲要比成班『港男』見到我爆喊，真係好尷尬。」麥明詩更透露綵排後，去林作屋企樓下諗住繼續傾感情問題，點知被勁多記者包圍，追問佢感情係咪亮紅燈，當時麥明詩只好講大話：「無呀，我嚟攞啲嘢咋！」

{{hket:inline-image name="gggggggggggggggggggg.jpg"}}{{/hket:inline-image}}

今次重提分手往事，麥明詩忍唔住苦笑，講講吓仲有少少哽咽：「我諗起都唔開心呀！」馮盈盈同陸浩明就安慰佢：「無事啦都過咗去」、「新仔會有新美好」。麥明詩聽完都笑番：「咁又係呀，我依家勁多仔，唔通好似馮盈盈咁慘咩，得一個男朋友」

{{hket:inline-image name="ffffffffffffffffffffff.jpg"}}{{/hket:inline-image}}

{{hket:inline-image name="uuuuuuuuu.jpg"}}{{/hket:inline-image}}

{{hket:inline-image name="h7.jpg"}}{{/hket:inline-image}}

不過對於麥明詩嘅言論，唔少網民就指佢搏宣傳，認為佢哋已經分咗手兩、三年，點解仲無啦啦重提林作：「係咪最近無新聞，又要消費前任」、「林作真係好慘，又被人過橋宣傳」更有人指佢笑馮盈盈得一個男友，出賣咗自己嘅秘密：「話自己勁多仔，走去笑馮盈盈慘，咁即係話自己有好多男友？真係好open喎！」