千呼萬喚下TVB終於順應民意！昨晚《愛回家》最新一集竟然找來鍾凱琪擔正扮「飯腳妹」池美麗，參考連登討論區的故事設計，完美還原呃飯食騙案。所謂呃飯食騙案其實正是早前「飯托Karen美女飯局」，當時有位叫Karen的女子用美女假相在交友app主動認識男網友，邀請他們出來吃飯。結果她被揭發一早跟cafe串通，5小時內約會了11名男生，每次迫男方埋單由400到過千元不等，由於Karen真人與相片相距甚遠，騙案轟動全港。咁啱《愛回家》裡面飾演池美麗的鍾凱琪與Karen撞樣，當時網民已經要求TVB開一集找她案件重演，雖然TVB有搵鍾凱琪，但最後僅在Big Big channel順便賣火鍋廣告，沒有特意翻拍。直到昨日終於重演，甚至擔正做女主角，成班網民都好興奮：「TVB終於有次真係順應民意」、「夠晒貼地」。鍾凱琪雖然拍劇經驗少之又少，但演出入型入格，好有天份。
《愛回家》參考連登 高質還原Karen呃飯食事件
故事講述Terry（李偉健飾演）與一眾IT部同事吃飯聚舊，因為肉醬意粉一字，始揭發毒男Keyboard遭「飯腳妹」欺騙。原本Keyboard在網上認識一名女子，還約出來吃飯，過程很順利。誰知那女子一坐下來就點了5碟肉醬意粉，每個要200元左右，最後要用3000多元結帳才可離去。最慘是飯腳妹真人與相片差距極大，Terry驚覺騙徒竟是池子孝（阮政峰飾演）的細妹池美麗！池美麗無辜表示自己只想忘記博士馬貫東：「佢就嚟同Mandy結婚啦，我冇晒希望喇...」去到最後他們始知道池美麗是受到Anita（梁茵飾演）教唆，才會學懂照騙又呃人。
好多網民睇完之後非常激動，除了因為故事情節有參考當時連登仔提供的意見，解釋成池美麗為了博士而化身成飯腳妹之外，還因為幕前演出經驗少的鍾凱琪幾好戲，她一臉自信的模樣完全演活到女事主Karen有幾厚臉皮，最正是她的聲線都好入戲：「今時今日個個都上網P圖，只要約到個男仔出嚟，加埋呢度咁好嘅環境，加埋咁好嘅嘢食同嘢飲，咁佢自然會識欣賞我嘅內在美，加埋我嘅內在美，咁就乜都殺死人。」，加埋撥頭髮、閉眼幾下風騷動作，難怪網民都話：「笑到噴飯，勁似，估唔到佢做戲幾勁」、「今集好好睇，估唔到真係用連登仔講嘅橋黎拍」。
▼原版
鍾凱琪真人愛心滿溢 為救遺棄貓唔要人工
案件中女事主Karen利用男人感情賺錢，然而鍾凱琪真人卻完全相反，為救遺棄貓貓竟然連錢都不賺。自從2005年以19歲參加《殘酷一叮》表演跳唱日文歌被6秒叮走後，鍾凱琪就繼續教日文養家。除咗孝順家人，鍾凱琪仲好有愛心，自小已經領養流浪貓貓，見到有繁殖場棄貓 ，她不但自發性籌款，希望大家關注棄貓問題，更加連錢都不賺，開4堂慈善日文班將收費全數捐給LAP，好有內在美。