大懵學生搭錯車險錯過考試 獲好心男幫助準時返校

日前一位大懵學生上錯車已夠悽慘，還要撞正考試日子，實令他心急如焚，但幸運地在巴士上遇到好心乘客，不但陪他落車截的士，還送上百元的士錢，令他得以準備返校應考。

一位學生家長昨日（9日）在Facebook「將軍澳」群組發文，指其兒子本周二（8日）早上，於厚德邨搭巴士回校參加考試，豈料開車後始發現上錯98S線巴士，如再轉巴士必定遲到，「司機（車長）魏先生話下個站最快要7:25左右先至到采頤花園，仲話俾$100我個仔搭的士返學…」

期間更有一位好心乘客提醒，該站位置較難截乘的士，遂陪伴其兒子搭到下一個站落車，更熱心為其截車、教司機往學校的最快捷路線，還給予$100讓其子付的士費，出錢出力。

最終其兒子準時返抵學校考試，這位家長表示：「真係好多謝兩位好心人，有機會嘅話一定會報答你哋！多謝！多謝！多謝！」因此發文希望尋找當日的車長及好心乘客道謝。

車長及該乘客的窩心行為獲網民大讚，有人指：「好感動依家仲有咁多有心人」、「成件事好溫暖！」有人則留言表示：「早上返工既乘客，多數日日都係坐同一班車」，該家長也笑稱：「我個仔都話要搭多次錯車揾番佢。」有人則建議事主寫加許信，連同詳細資料交給巴士公司。