黛安
黛安

皮革製品夠分量 藝術設計顯華麗 精緻利市封 貴氣賀歲

發佈時間: 2019/01/11

皮革製品夠分量 藝術設計顯華麗 精緻利市封 貴氣賀歲

每年新年,黛安都好期待收到利市,除咗「內涵」之外,外表都一樣咁重要!嚟緊係豬年,唔少商場都預備咗象徵家肥屋潤嘅利市封,可愛得嚟又精緻!

就好似ELEMENTS圓方,今年就同嚟自上海嘅新銳藝術家陳莉(Kebeyo Chen)合作,設計咗一個高約6米嘅全人手上色豬雕塑,周邊被萬紫千紅嘅種子同花芽雕塑簇擁,同漂浮喺天空嘅魚。為咗呼應藝術裝置,利市封特別以魚做主題,寓意新一年萬事如意,年年有餘。精裝版利市封套裝除咗加入高貴金色利市封外,仲送喜慶兩用手提包,帶住去拜年一定very good啊!今日起至下個月4號,消費滿$2,800或以上就有啦。

黛安覺得最有特色嘅,一定係HomeSquare夥拍BoConcept推出「添.喜」慶真皮利市封,將真皮梳化部分剩料升級再造,令質感豐富嘅皮革結合綫條幼細嘅紙雕,製造出富「革」一方嘅利市封,大家仲可以係封套上面刻名同祝福字句。只要喺下星期五至下個月3號,消費滿6,800元就可免費換領價值499元嘅真皮利市封。

活潑可愛嘅利市封,又點少得荃灣廣場嘅四款小豬利市封,全部都有唔同寓意㗎,好似「順風順水」、「大吉大利」、「甜甜蜜蜜」同「金銀滿屋」。公關姊妹話,今年用咗大膽嘅對比色調,參照Pop Art色彩圖案,好似雅紫色拼大吉橙色、Sharp醒熒光粉紅襯貴氣金色等,送畀小朋友一定好受歡迎。只要喺下星期四至下個月4號,喺商場以電子貨幣累積消費1,000元或以上,即刻送你一套8個利市封!

撰文: 黛安 消息特靈八卦公關
欄名: 八卦名利場