與梁朝偉譜三角戀 52歲黎美嫻靚過劉嘉玲

以往大家一數離開咗娛樂圈嘅美魔女，可能第一時間諗起黎姿，不過今次黎姿終於遇上對手喇！事關最近蔡少芬於社交網站大晒與好友gathering嘅相片，當中已經淡出娛樂圈近20年嘅黎美嫻亦係座上客，只見黎美嫻雖然已經52歲，但依然仙氣十足，不愧為當年嘅TVB第一古裝美人，唔少人仲大讚佢靚過53歲嘅劉嘉玲多多聲，笑梁朝偉走寶喎！

但點解會關偉仔事？原來當年佢哋拍過拖架！話說偉仔仲喺TVB嗰陣，雖然同曾華倩拍咗六年拖，但期間多次離離合合，而佢同黎美嫻於1986年拍《倚天屠龍記》時成功擦出愛火，由於當時偉仔被指與華倩仍有瓜葛，搞到驚爆三角戀，最終偉仔同黎美嫻拍拖約一年，男方就重投華倩懷抱。其後黎美嫻亦於1991年約滿離巢，並到台灣、東南亞等地發展，直至2000年息影，並於2005年下嫁有「元朗舖王」之稱的謝興肇，過著幸福少奶奶生活。

{{hket:inline-image name="1.jpg"}}{{/hket:inline-image}}

{{hket:inline-image name="jt.jpg"}}{{/hket:inline-image}}